بۇگىن - مەدەۋ مۇز ايدىنى پايدالانۋعا بەرىلگەن كۇن
ونىڭ اۋماعى 10500 شارشى مەتر جەردى الىپ جاتىر جانە 10500 كورەرمەندى سىيعىزادى. الەمدەگى 120-دان اسا ۇزدىك سپورتتىق رەكورد «مەدەۋ» مۇز ايدىنىندا ورناتىلعان.
«مەدەۋ» اتاۋى ⅩⅨ عاسىردىڭ سوڭىندا ءومىر سۇرگەن قوعام قايراتكەرى، قازاق حالقىن كوشپەلى وتىرىقشىلىققا بەيىمدەۋ جۇمىستارىمەن اينالىسقان، قازاق بالالارىنا ارناپ پانسيونات اشقان مەدەۋ پۇسىرمانوۆتىڭ قۇرمەتىنە بەرىلگەن.
«مەدەۋدىڭ» اينالاسىن 21 مىڭ گەكتار ورمان- توعاي القابى قورشاپ جاتىر. وندا قايىڭ، كوكتەرەك، قاراعاي مەن شىرشا، دولانا، شەتەن اعاشتارى وسەدى. مۇز ايدىنىنان بولەك، مۇندا عارىش ساۋلەلەرى عىلىمي ستانسياسى، ۇلكەن الماتى كولى، جوعارعى گورەلنيك سارقىراماسى، الماتىنى سەلدەن قورعاپ تۇراتىن بوگەتتەر، تەررەنكۋر جانە سەگىز جۇزدەن استام ساتىسى بار باسپالداق بار. 29 - قاڭتار مەن 8 - اقپان ارالىعىندا الماتىدا وتەتىن 2017 -جىلعى 28- دۇنيەجۇزىلىك قىسقى ۋنيۆەرسيادا سايىستارىنىڭ ءبىر بولىگى مەدەۋ مۇز ايدىنىندا وتەدى.
اۆتور: ايجان سەرىكجان قىزى
