تارازدا ساحنانىڭ قۇلاۋى كەزىندە ادامداردى قۇتقارىپ قالعان اسكەري قىزمەتشىلەر ماراپاتتالدى - فوتو

تاراز. قازاقپارات - بۇگىن «ۇلتتىق گۆارديا ۇزدىگى» توسبەلگىسىن ەرلىك جانە باتىرلىق تانىتقان جامبىلدىق اسكەري قىزمەتشىلەرگە تابىستادى، دەپ حابارلايدى «قازاقپارات» ح ا ا ءتىلشىسى جامبىل وبلىستىق ءى ءى د باسپا ءسوز قىزمەتىنە سىلتەمە جاساپ.

ەسكە سالا كەتەيىك، 16 -جەلتوقسان كۇنى تارازدىڭ ورتالىق الاڭىندا ساحنا ازىرلەۋ كەزىندە 30 م/س جىلدامدىقتاعى جەلدىڭ سالدارىنان تاۋەلسىزدىك مەرەكەسىن تويلاۋعا ارنالعان ساحنانىڭ باستىرماسى وپىرىلىپ ءتۇستى. ق ر ۇلتتىق گۆاردياسىنىڭ 5513 اسكەري ءبولىمىنىڭ قاتارداعى جەدەل قىزمەتشىلەرى تەز ارادا كومەك كورسەتىپ، ۇشىپ بارا جاتقان قالقاندى دەنەلەرىمەن بوگەپ، ادامداردىڭ ءومىرىن ساقتاپ قالدى.

ورتالىق الاڭداعى مەدەتسينالىق كومەك كورسەتۋ ماشينالارى №1 -قالالىق اۋرۋحاناسىنا زارداپ شەككەن ساربازدى جەتكىزدى. ءتۇرلى دەڭگەيدەگى باس جاراقاتىن العان ەكى اسكەري - يۋري دىليۋك پەن امان اجەنوۆ جانساقتاۋ بولىمىنە ءتۇستى. ەكى زارداپ شەگۋشى - يۋري باجەن مەن دياس امانگەلدىگە امبۋلاتورلىق ەم قابىلداۋ جازىلدى.

«گەنەرال- لەيتەنانت ر. جاقسىلىقوۆتىڭ بۇيرىعىمەن قوعامدىق ءتارتىپتى جانە قاۋىپسىزدىكتى ساقتاۋ بارىسىندا ەرلىك، باتىلدىق جانە ەرجۇرەكتىك تانىتقانى ءۇشىن 5513 ءا/ب قاتارداعى اجەنوۆ امان مەن دىليۋك يۋري  Ⅱ دارەجەلى «ۇلتتىق گۆارديا ۇزدىگى» توسبەلگىسىمەن ماراپاتتالدى»، - دەپ حابارلايدى جامبىل وبلىسى ءى ءى د باسپا ءسوز قىزمەتى.

- پودپولكوۆنيك ب. ناربايەۆ جامباستاعان اسكەري ءبولىم باسشىلىعى №1 -قالالىق اۋرۋحاناسىنا بارىپ، ساربازدارعا اسكەري مىندەتىنە ادالدىقتارى ءۇشىن العىس ايتىپ، مىقتى دەنساۋلىق، جۇمىستارىنا تابىس تىلەپ، ناگرادالارىن تابىستادى. بارلىق اسكەري قىزمەتشىلەر جازىلىپ كەلەدى».