22:23, 27 - جەلتوقسان 2016 | GMT +5
قازاقستان شاڭعىشىلارى ۋنيۆەرسيادانىڭ ءۇش مەدالىنەن ءۇمىتتى
الماتى. قازاقپارات - قازاقستان شاڭعىشىلارى الداعى الماتىدا وتەتىن دۇنيەجۇزىلىك قىسقى ۋنيۆەرسيادادا كەم دەگەندە 3 مەدال جەڭىپ الۋدى كوزدەپ وتىر، دەپ حابارلايدى قازاقپارات.
«سپورتشىلارىمىز وقۋ- جاتتىعۋ جيىندارىنان ءوتتى. ۇلتتىق قۇراما جاتتىعۋلاردا ۇزدىك ناتيجە كورسەتكەن جاس سپورتشىلارمەن تولىقتى. ءبىز الەم كۋبوگىنەن جۇلدەلى ورىنداردى الىپ ۇلگەردىك. ولار ۋنيۆەرسياداعا قىزۋ دايىندالىپ جاتىر. از دەگەندە ءۇش مەدالدان ءۇمىتىمىز بار»، - دەدى قازاقستاننىڭ ەڭبەك سىڭىرگەن جاتتىقتىرۋشىسى الەكساندر باتيايكين.
ايتا كەتەيىك، الماتىدا ۋنيۆەرسيادا ديرەكتسياسى مەن Global كومپانياسى اراسىندا ىنتىماقتاستىق جونىندە مەموراندۋمعا قول قويىلدى. وسىلايشا، شاڭعى جارىسى ۇلتتىق فەدەراتسياسىنىڭ تاريحىندا تۇڭعىش رەت جەكە دەمەۋشىسى پايدا بولدى.
