قىتايلىق ايەلدىڭ نۋنچاكي قارۋىمەن جاساعان عاجايىپ قيمىلدارى جۇرتتى تاڭعالدىردى - كەسكىن
قىتايلىق ينتەرنەت قولدانۋشىلارى بۇل بريۋس ليدىڭ ءىزباسارى نەمەسە تۋىسى دەپ تاڭدانىسىن جاسىرا المادى. ءتىپتى كەيبىرى ونى قىتايلىق اتاقتى كۋڭفۋ شەبەرى دونني يەنمەن بىرگە يپ مان فيلمىنىڭ 4 -بولىمىندە ونەر كورسەتۋگە كەڭەس بەرگەن. قىتايلىق اقپارات قۇرالدارىنىڭ حابارلاۋىنشا، ايەلدىڭ گونكونگ(شياڭگاڭ) قالاسىنا جاقىن فۋجيان پروۆينسياسىنىڭ لەي بين ەسىمدى قاراپايىم شارۋا ادامى ەكەنى بەلگىلى بولدى. لەي بين 2011 -جىلى تەلەديداردان بريۋس ليدىڭ كينوسىنان اسەر الىپ جاتتىعۋ جاساي باستايدى. 4 جىلدان استام ۋاقىت ىشىندە نۋنچاكي قارۋىن ىستەتۋدى جەتىك مەڭگەرگەن ول ءبىر كۇن ىشىندە قاراپايىم ادامنان جارىق جۇلدىز بولىپ شىعا كەلدى. ۆيدەودان ايەلدىڭ نۋنچاكي قارۋىن قولدانىپ قاتەرلى ارەكەتتەردى ورىنداعانىن بايقاۋعا بولادى. تىن شۋن ۆيدەو پورتالىن جۇكتەلگەن بۇل ۆيدەو 600 مىڭنان استام ادامدى ءتانتى كەتكەن.
اۆتور: مۇحتار قاليموللا ۇلى
