استاناداعى الىپ ساعات گيننەس رەكوردتار كىتابىنا ەنۋى مۇمكىن

استانا. قازاقپارات - استانادا ەسىل وزەنىنىڭ جاعالاۋىندا الىپ ساعات ورناتىلدى.

جاڭا جىل قارساڭىندا قالا كوركىن اشا تۇسكەن ساعات تسيفەربلاتىنىڭ ديامەترى - 17 مەتر. جارىق ديودتار تۇندە ادەمى كومپوزيتسيانى قۇرايدى. ساعات اينالاسىنداعى اۋماق حالىق دەمالىسى ءۇشىن تاماشا ورىن. مۇندا ەلوردا تۇرعىندارى مەن قوناقتارى ءۇشىن سىرعاناقتار مەن اۋدانى 8 مىڭ شارشى مەترلىك ۇلكەن مۇز ايدىنى جاسالعان.

ساعات ناقتى مەحانيزممەن جابدىقتالعان جانە جاڭا جىل ءتۇنى ەسىل وزەنىنىڭ جاعالاۋىنداعى وتشاشۋ ساعات ءتىلى تۋرا 24.00 ءدى كورسەتكەندە باستالاتىن بولادى. ايتا كەتەيىك، ەسىل وزەنىندە ورناتىلعان جاڭاجىلدىق ساعات الەمدەگى ەڭ ۇلكەنى بولۋى مۇمكىن. مانحەتتەننىڭ جانىندا (نيۋ- دجەرسي شتاتى، ا ق ش) گۋدزون وزەنىندە ورناتىلعان بارشاعا تانىمال Colgate ساعاتىنىڭ ديامەترى 15,24 مەتردى قۇرايدى.