15:20, 27 - جەلتوقسان 2016 | GMT +5
قىتاي تۇرعىندارى عاجايىپ تابيعات قۇبىلىسىنا كۋا بولدى - فوتو
استانا. قازاقپارات - قىتايدىڭ ىشكى موڭعول اۆتونومدى ولكەسىنىڭ شيلين- گول ەلدى مەكەنىندە 26 -جەلتوقسان كۇنى كەشكى ۋاقىتتا بولعان ەرەكشە تابيعات قۇبىلىسىن قىتاي اقپارات قۇرالدارى جارىسا حابارلاۋدا.
شيلين- گول تۇرعىندارى كەشكى ساعات 19:00 دەن باستاپ ەكى جارىم ساعات بويى جالعاسقان عاجايىپ قۇبىلىسقا كۋا بولعان. قىتاي اقپارات قۇرالدارىنىڭ حابارلاۋىنشا، بۇل تابيعي قۇبىلىس قاداۋ جارىق نەمەسە جارىق دىڭگەگى (日柱/光柱) دەپ اتالادى،شيلين- گولدەگى اۋا تەمپەراتۋراسى وسى قۇبىلىستىڭ پايدا بولۋىنا سايما-ساي كەلگەن.
قاداۋ جارىق - كۇن شىققاندا نە بولماسا باتقان كەزدە پايدا بولاتىن ءتۇزۋ دىڭگەك ءپىشىندى جارىق قۇبىلىسى. 6 بۇرىشتى جالپاق مۇز كريستالدارى جانە سۋ تامشىلارى كۇن كوكجيەكتەن 20° بيىك بولعاندا وسىنداي قاداۋ جارىق شىعارادى.
اۆتور: مۇحتار قاليموللا ۇلى
