كەنەسارى حاننىڭ باس سۇيەگىن قايتارۋ جۇمىستارى جالعاسۋدا
«بىرنەشە جىلدان بەرى رەسەي ايماعىندا كەنەسارىنىڭ باس سۇيەگىن انىقتاۋ بويىنشا جۇمىستار ءجۇرىپ جاتقانىن بىلەسىزدەر جانە وسى باعىتتاعى جۇمىستار مىندەتتى تۇردە جالعاسادى. ءبىراق قازىرگى كەزدە ناقتى ءبىر جەردە ناقتى دەرەك بار دەپ ايتۋ قيىنعا ءتۇسىپ وتىر. سونىمەن قاتار باس سۇيەك جوق دەپ ايتۋعا ەشكىمنىڭ قۇقىسى جوق»، - دەدى ءمينيسترى قازاقپارات ءتىلشىسىنىڭ ساۋالىنا جاۋاپ بەرۋ كەزىندە.
بۇدان بولەك، ا. مۇحامەدي ۇلى بۇگىندە كەناسارى حاننىڭ كەزىندەگى جەكە زاتتارىن قايتارۋ بويىنشا ءتيىستى شارالار اتقارالىپ جاتقانىن اتاپ ءوتتى.
«ماسەلەن، كەنەسارى قولدانعان دۇنيەلەر بار ەكەنى بەلگىلى. ماسەلەن، ونىڭ مىلتىعى، ونىڭ جازعان حاتتارى بار جانە وسى باعىتتا ەلەۋلى جۇمىستاردى جالعاستىرىپ جاتىرمىز. سونىمەن قاتار باس سۇيەگىن انىقتاۋ بويىنشا عالىمدار اينالىسىپ جاتقانىن ناقتى ايتا الامىن»، - دەدى مينيستر.
اۆتور: رۋسلان عابباسوۆ
