كەيكى باتىردىڭ د ن ق ساراپتاماسى قاڭتاردا تولىقتاي دايىن بولادى
دەپ حابارلايدى قازاقپارات.
ءمينيستردىڭ سوزىنە قاراعاندا، باتىردىڭ باس سۇيەگىن قالپىنا كەلتىرۋ جۇمىستارىنا ماجارستان مەن گەرمانيانىڭ الدىڭعى قاتارلى ماماندارى جۇمىلدىرىلدى. «سونىمەن قاتار د ن ق ساراپتاماسى بويىنشا اتقارىلىپ جاتقان جۇمىستارعا دا وسى ەكى ەلدىڭ عالىمدارى تارتىلدى. وسى رەتتە گەرمانيالىق عالىمداردى وسى ماڭىزدى جۇمىسقا تارتقانى ءۇشىن نۇرسان ءالىمبايعا ۇلكەن العىسىمدى ايتامىن»، - دەدى مۇحامەدي ۇلى.
ونىڭ ايتۋىنشا، د ن ق سىنامانىڭ ناتيجەلەرى الداعى جىلدىڭ قاڭتارىندا جاريالاناتىن بولادى.
«نۇرسان ءالىمباي الدىن الا وسى ماسەلەمەن اينالىسقان ەدى، ولار د ن ق بويىنشا كوزدىڭ جانە تەرى ءتۇسىن دە انىقتادى. باتىر قاراتورى، الاسا بويلى، كەڭ يىقتى جانە مىعىم دەنەلى ادام بولعان»، - دەدى مينيستر.
باسپاءسوز ءماسليحاتىنان بەلگىلى بولعانداي، كەيكى باتىردىڭ باسى بويىنشا جاسالعان ءمۇسىننىڭ سايكەستىگى 98,7 پايىزدى قۇراپ وتىر. ق ر مەملەكەتتىك ورتالىق مۋزەيىنىڭ ديرەكتورى نۇرسان ءالىمباي بۇل ءمۇسىن باتىردىڭ كەلبەتىنە تولىقتاي سايكەس ەكەنىن جەتكىزدى.
ەسكە سالا كەتسەك، قازان ايىنىڭ باسىندا ماجارستاندا كەيكى باتىردىڭ باس سۇيەگىن قالپىنا كەلتىرۋ جۇمىستارى باستالعان بولاتىن. ۆەنگريانىڭ جاراتىلىستانۋ عىلىمدارى مۋزەيىنىڭ انتروپولوگيالىق بولىمىنە جەتەكشىلىك ەتەتىن اگنەش كۋشتار كەيكى باتىردىڭ باس سۇيەگىن قالپىنا كەلتىرۋ جۇمىستارىن ءوز باسشىلىعىنا العان ەدى.
اۆتور: رۋسلان عابباسوۆ
