تۇركيا شاڭحاي ىنتىماقتاستىق ۇيىمىنا مۇشە بولۋعا رەسمي ءوتىنىم بەرگەن جوق
دەپ حابارلايدى قازاقپارات.
«قازاقستان 2017 -جىلى استانادا وتەتىن شاڭحاي ىنتىماقتاستىق ۇيىمىنىڭ ءسامميتى بارىسىندا ءتوراعا بولادى. ال تۇركيانىڭ ش ى ۇ- عا مۇشەلىگىنە قاتىستى ايتارىم، بىرىنشىدەن بۇل تۇركيانىڭ ءوز شەشىمى. ازىرشە، تۇركيادان رەسمي ءوتىنىم جوق. بۇعان قوسا، ۇيىمعا كەز كەلگەن مۇشەنى قابىلداۋ ش ى ۇ- نىڭ بارلىق مۇشەلەرىنىڭ ايرىقشا قۇزىرەتى سانالادى. ياعني، بۇل ماسەلە بويىنشا ىمىرا بولۋى قاجەت. بارلىعى دا ب ا ق- تاعى اقپاراتتى ەستىدى. ءبىراق، ب ا ق- تاعى اقپارات رەسمي ءوتىنىم سانالمايدى»، - دەدى مينيستر ب ا ق وكىلدەرىنىڭ ساۋالىنا وراي.
وسى رەتتە ىدىرىسوۆ بۇل ماسەلە تۇركيانىڭ ەۋروپاعا مۇشەلىككە وتۋىنە بايلانىستى بارىنشا كۇردەلەنە تۇسەتىندىگىن باسا ايتتى.
«سوندىقتان ءومىر بۇل ماسەلەنىڭ قالاي وربيتىندىگىن كورسەتەتىن بولادى. قالاي بولعاندا دا ءبىز ءتوراعالىق كەزىندە ۇيىمىنىڭ مۇشەلەرى اراسىندا ناقتى تۇسىنىكتىڭ بولۋى ءۇشىن جۇمىس ىستەيمىز. ەگەردە ىمىرا بولاتىن بولسا، وندا سوعان ساي ىمىرا شەشىم قابىلدانادى. بىزدە ءۇندىستان مەن پاكىستاننىڭ كەزەكتە تۇرعانىن ەسكە سالعىم كەلەدى. بۇل شەشىمدەر رەسمي تۇردە 2017 -جىلدىڭ جازىندا استانادا وتەتىن ءبىزدىڭ سامميتتە شەشىلۋى ءتيىس»، - دەدى ول.
اۆتور: مارلان جيەمباي
