12:46, 27 - جەلتوقسان 2016 | GMT +5
قىرعىزستاننىڭ بۇرىنعى باس پروكۋرورىنا قاتىستى قىلمىستىق ءىس قوزعالدى
بىشكەك. قازاقپارات - قىرعىزستان باس پروكۋراتۋراسى بۇرىنعى باس پروكۋرور ايدا ساليانوۆاعا قاتىستى قىرعىزستان قىلمىستىق كودەكسىنىڭ 304-بابى، 4-بولىمىندە (قىزمەت بابىن اسىرا پايدالانۋ ) كورسەتىلگەن قىلمىس بەلگىلەرى بويىنشا قىلمىستىق ءىس قوزعادى،
دەپ حابارلايدى «قازاقپارات» ح ا ا بىشكەكتەگى مەنشىكتى ءتىلشىسى.
باس پروكۋراتۋرا جوعارعى كەڭەس دەپۋتاتى ايدا ساليانوۆاعا قاتىستى قىرعىزستان ۇ ق ك كەلىپ تۇسكەن ماتەريالداردى قارادى جانە ادىلەت ءمينيسترى مىندەتىن اتقارۋشى كەزىندە قىزمەتتىك بابىن اسىرا پايدالانۋى فاكتىسى بويىنشا قىلمىستىق ءىس قوزعادى. پارلامەنت دەپۋتاتى، بۇرىنعى باس پروكۋرور ايدا ساليانوۆا 2010 -جىلدىڭ ماۋسىم ايىندا ماكسيم باكيەۆتىڭ قورعاۋشىسى ا. ەليسەيەۆتىڭ ليسەنزياسىن جاڭارتۋ تۋرالى ق ر ادىلەت ءمينيسترىنىڭ بۇيرىعىنا زاڭسىز قول قويدى دەپ ايىپتالۋدا.
