اقتوبە اكىمى تاعى دا وتىرىستا ۇيىقتاپ قالا جازدادى
ءىلياس يسپانوۆ ءوز اكىمدىك قىزمەتىن وتە بەلسەندى باستادى. كامەرا الدىندا زىلتەمىر كوتەرىپ، اقتوبە اۋىر اتلەتيكاسىنىڭ بولاشاعى بار ەكەنىن كورسەتتى. ءبىر مينۋتتىق روليكپەن اقتوبە قالاسىن سۇيۋگە شاقىردى. ءبىراق، وتكەن ايدا جەلىدە پايدا بولعان ۆيدەودا جينالىستا وتىرعان اقتوبە قالاسىنىڭ اكىمى ءىلياس يسپانوۆ قالعىپ- مۇلگىپ، ۇيقىسىن جەڭۋگە تىرىسادى. سول سەبەپتى، مۇنداي كرەاتيۆتى ويلار اكىمدى قاتتى شارشاتادى دەپ باعامداۋعا بولادى.
وسى وقيعادان كەيىن قالا باسشىسى جينالىستاردا بارىنشا مۇقيات بولىپ، سەرگەكتىك تانىتۋى ءتيىس ەدى. الايدا، جەلتوقسان ايىندا ءماسليحات سەسسياسىندا اكىمدى تاعى دا ۇيقى قىستى. ادىلدىك ءۇشىن اقتوبەنىڭ وزگە دە ءىرى شەنەۋنىكتەرىنىڭ ەل الدىندا ۇيىقتاپ قالعانىن اتاپ وتكەن ءجون. ماسەلەن، ءى. يسپانوۆتىڭ ءبىرىنشى ورىنباسارى جاندوس بايىرحانوۆتى ايتسا بولادى. ۇيقىمەن كۇرەس تاقىرىبىن جالعاستىرا كەلە، جينالىستاردىڭ بىرىندە شەنەۋنىكتەردىڭ ۇيقى اشۋدىڭ ەرەكشە ءتاسىلىن ويلاپ تاپقانىن اتاپ وتەيىك. بەردىبەك ساپاربايەۆ ءسوز سويلەۋ كەزىندە حالىق قىزمەتشىلەرى قىمبات ماركالى سمارتفوندارىنان باس الماي، instagram جەلىسىندەگى ءتۇرلى سۋرەتتەردى پاراقتاپ وتىردى.
