استاناعا زاماناۋي كوممۋنالدىق تەحنيكالار ساتىپ الىندى
جاڭا تەحنيكالار كوپ ۇزاماي تازارتۋ جۇمىستارىنا شىعارىلادى، دەپ حابارلايدى قالا اكىمدىگىنىڭ سايتى.
اتاپ ايتقاندا، كوشەلەر مەن ماگيسترالداردىڭ جۇرەتىن بولىگىندەگى قاردى تازالاۋ ءۇشىن ءتورت قار تازارتۋشى فرونتالدى تيەگىش ساتىپ الىندى. وندا بارلىق كورسەتكىشتەرىن كورسەتىپ تۇراتىن سۇيىق كريستالدى ديسپلەي بار.
سونىمەن قاتار، 12 كوممۋنالدىق شاعىن تراكتور دا الىندى. ول ءتيىستى جۇمىستاردى ورىنداۋ بارىسىندا جول جابىنىن بۇزۋعا جول بەرمەيدى. بۇدان باسقا، كوممۋنالدىق قىزمەتتەردىڭ تەحنيكاسى بارلىق ماۋسىمدا قولدانىلاتىن 2 مەحانيكالىق سىپىرعىش ماشينالارمەن تولىقتى.
بۇل ماشينا كوشەلەردى سىپىرۋ كەزىندە سۋدى قاجەت ەتپەيدى. ناتيجەسىندە، كوكتەمدە كوشە تازالاۋعا جۇمسالاتىن ۋاقىت پەن شىعىن ايتارلىقتاي قىسقارادى. «ۆوتەرلەس پەليكان» تەحنيكاسى دا بىرەگەي مۇمكىندىكتەرگە يە.
ول جولداردا ءبىراز ۋاقىتتان بەرى جاتقان قۇمدى، تۇزدى، مۇزدى، قوقىستى جينايدى. سونداي-اق، قۇرامداستىرىلعان ارناجۋعىش ماشينا دا ساتىپ الىندى، 10 كولىك - سۋارۋ-جۋۋ جيىنتىعىندا سوقا مەن شەتكا قوندىرعىسى بار، سونداياق سوقا، شەتكا جانە ۇلەستىرۋ قۇرالى بار 12 ماشينا ەلوردا كوشەلەرىن تازالاۋعا شىعارىلاتىن بولادى.
