نازاربايەۆ: قازاقستان سيرياعا قاتىستى كەلىسسوز ءۇشىن بارلىق جاعدايدى جاسايدى
«ءسىزدىڭ ۇسىنىسىڭىز تۋرالى ماسەلە شەشىمى: قازاقستان استانادا كەلىسسوز ءۇشىن تاراپتاردى قابىلداۋعا ءازىر. ءبىز كەشە سىزبەن، ەردوعانمەن (تۇركيا پرەزيدەنتى) جانە رۋحانيمەن (يران پرەزيدەنتى) سويلەستىك. ولار كەلىستى. ءبىز ولار كەزدەسىپ، جاعدايدى پىسىقتاۋى ءۇشىن بارلىق جاعدايدى جاسايمىز»، - دەدى نازاربايەۆ. پرەزيدەنت پۋتين بۇدان بۇرىن تۇرىك كوشباسشىسى تايىپ ەردوعانمەن سيريادا قاقتىعىسۋشى تاراپتارعا استانادا جاڭا الاڭدا بەيبىت كەلىسسوز ۇدەرىسىن جالعاستىرۋدى ۇسىنۋ جايلى ۋاعدالاسقانىن حابارلاعان.
ونىڭ ايتۋىنشا، بۇل جەنەۆا كەلىسسوزدەرىن تولىقتىرادى. قازاقستان پرەزيدەنتى نازاربايەۆ ۇسىنىسپەن كەلىستى. كرەمل باسپا ءسوز قىزمەتىنىڭ حابارلاۋىنشا، پۋتين مەن ونىڭ يراندىق ارىپتەسى حاسان رۋحاني تەلەفونمەن سويلەسۋ بارىسىندا الەپپونى ازات ەتۋ وپەراتسياسىن ءساتتى اياقتاۋ سيرياداعى تەرروريزمدى تولىقتاي جەڭۋ جولىنداعى ماڭىزدى قادام بولىپ تابىلاتىنىن اتاپ وتكەن.
