كوكشەتاۋدا جاڭا جىلدىق باستى شىرشانىڭ شامى جاعىلدى - فوتو

كوكشەتاۋ. قازاقپارات - بۇگىن وبلىس اكىمى سەرگەي كۋلاگيننىڭ قاتىسۋىمەن كوكشەتاۋداعى تاۋەلسىزدىك الاڭىندا ورناتىلعان جاڭا جىلدىق باستى شىرشا شامدارى جاعىلدى، دەپ حابارلايدى "قازاقپارات" ح ا ا ءتىلشىسى.

مەرەكەلىك شارانى تاماشالاۋعا قالا تۇرعىندارى مەن مەكتەپ وقۋشىلارى كوپتەپ جينالدى. كۇننىڭ سۋىقتىعىنا قاراماستان، سالتاناتتى شاراعا بالالاردىڭ دەنى جاڭا جىل مەرەكەسىنە ساي كيىنىپ كەلىپتى.



جينالعاندار الدىندا ءسوز سويلەگەن وبلىس اكىمى سەرگەي كۋلاگين كوكشەتاۋلىقتاردى كەلە جاتقان جاڭا جىل مەرەكەسىمەن قۇتتىقتاي كەلە، بيىلعى جىلدى تابىستى اياقتاپ، الداعى جىلى جاقسىلىقتارعا جەتۋلەرىنە تىلەكتەستىگىن ءبىلدىردى.

ايماق باسشىسىنىڭ قۇتتىقتاۋ سوزىنەن كەيىن شىرشا شامى جاعىلىپ، اسپانعا ءتۇرلى ءتۇستى وتشاشۋ اتىلدى. تاۋەلسىزدىك الاڭىنا سالىنعان مۇز قالاشىعى وسى كۇندەرى كوكشەتاۋلىقتاردىڭ باراتىن ەڭ سۇيىكتى ورنىنا اينالىپ وتىر.

 

اۆتور: اسلان وسپانوۆ