اتىراۋلىق شەنەۋنىككە پارا بەرگەنى ءۇشىن ميلليون تەڭگە ايىپپۇل سالىندى
«سوت تالقىلاۋى بارىسىندا «جەر كاداسترى ع ءو و» ر م ك وبلىستىق فيليالىنىڭ ديرەكتورى باعىنىستى قىزمەتكەرىنەن ءار ءتۇرلى قامقورلىق كورسەتۋگە ۋادە بەرىپ، مىڭ دوللار تالاپ ەتكەن. قاجەتتى سومانى تابا الماعان ءبولىم باسشىسى باستىعىنا 100 مىڭ تەڭگە بەرگەن. ول پارا بەرۋ ساتىندە ۇستالدى. سوتتالۋشى ق ر ق ك 367-بابى بويىنشا ايىپتى دەپ تانىلىپ، وعان 1 ميلليون تەڭگە كولەمىندە ايىپپۇل تولەۋ تۇرىندە جازا كەسىلدى. ول سونداي-اق ءومىر بويىنا مەملەكەتتىك قىزمەتتە جۇمىس ىستەۋ قۇقىعىنان ايىرىلدى»، دەپ حابارلادى وبلىستىق سوتتىڭ باسپا ءسوز قىزمەتى.
بۇدان بۇرىن حابارلانعانداي، وبلىستىق فيليال ديرەكتورىنا دا ۇكىم شىقتى. ول قاراماعىنداعى ادامداردان بىرنەشە رەت پارا العانى ءۇشىن 5 ميلليون 250 مىڭ تەڭگە كولەمىندە ايىپپۇل تولەيتىن بولادى. وعان دا مەملەكەتتىك قىزمەتتە جۇمىس ىستەۋگە تىيىم سالىندى.
