تالدىقورعاندا جەدەل جاردەم قىزمەتىنە جۇگىنۋشىلەر سانى كۇرت ءوستى
ونىڭ 300 گە جۋىعى بالالار دەنساۋلىعىنا شاعىمدانىپ حابارلاسقان، دەپ حابارلايدى «قازاقپارات» ح ا ا ءتىلشىسى. قازىر قالا بويىنشا 16 بريگادا جۇمىس ىستەسە، ونىڭ 2 ەۋى بالالارعا قىزمەت كورسەتۋدە. تالدىقورعان قالالىق جەدەل جاردەم قىزمەتى ديرەكتورىنىڭ ورىنباسارى گۇلنار بايعازينوۆانىڭ ايتۋىنشا، 16 بريگادا تالدىقورعان قالاسى مەن قاتار شاھارعا قاراستى ساياجايلار مەن اۋىلدى جەرلەرگە قىزمەت كورسەتەدى.
«بىزدە تالدىقورعان قالاسى بويىنشا 167 مىڭ ادام تىركەۋدە تۇر. ودان وزگە ءبىز ەركىن، كوكتال، ىنتىماق، مويناق، ەڭبەك اۋىلدارىمەن قاتار، قىزىلتاس، ۇيتاس ساياجايدىڭ تۇرعىندارىنا قىزمەت كورسەتەمىز. قازىر قالا بويىنشا ۆيرۋستىق ينفەكتسيا ءجۇرىپ جاتىر. قوڭىراۋ شالۋشىلار سانى وتە كوپ. ءسال كەشىگىپ جاتقانىمىز دا سوندىقتان»، - دەيدى گ. بايعازينوۆا. سول سەبەپتى دارىگەرلەر، بالانىڭ نە بولماسا ەرەسەك ادامنىڭ ىستىعى كوتەرىلىپ، مازاسى قاشسا اسپيرين سىندى دارىلەردى قولدانۋعا كەڭەس بەرەدى. جانە سۇيىقتىقتى كوبىرەك ىشكەن دۇرىس دەيدى.
ايتا كەتۋ كەرەك، بيىلعى تۇماۋدىڭ بەلگىسى دە ەرەكشە. حالىق «دەنە قىزۋىنىڭ قاتتى كوتەرىلۋىمەن قاتار، لوقسىپ- قۇسامىز» دەپ شاعىمدانۋدا. جەدەل جاردەمدى 40 مينۋت كۇتكەن تالدىقورعاندىق يانا لومانكوۆا «4 جاستاعى قىزىم وسىلاي اۋىردى» دەيدى.
