دالادان تاپانشا تاۋىپ العان تۇرعىن ەندى بەس جىلعا سوتتالۋى مۇمكىن

كوكشەتاۋ. قازاقپارات - زاڭسىز قارۋ ساقتاعان اقمولا وبلىسى ستەپنوگور قالاسىنىڭ تۇرعىنى ۇستالدى، دەپ حابارلايدى "قازاقپارات" ح ا ا ءتىلشىسى وبلىستىق ءى ءى د باسپا ءسوز قىزمەتىنە سىلتەمە جاساپ.

پوليتسەيلەردىڭ مالىمەتى بويىنشا تاركىلەنگەن قارۋ 1935 -جىلعى «براۋنينگ» تاپانشاسى. سۋىق قارۋدى ۇيىمداسقان قىلمىسپەن كۇرەسۋ جونىندەگى باسقارمانىڭ قىزمەتكەرلەرى پولەتيلەن قاپشىققا ورالعان كۇيىندە 35 جاستاعى ستەپنوگور قالاسىنىڭ تۇرعىنىنىڭ گاراجىنان تاۋىپ العان. «ەر ادامنىڭ سوزىنە قاراعاندا، ول اتالعان تاپانشانى اعىمداعى جىلدىڭ مامىر ايىندا قالا ماڭىنداعى كەن ورنىنان تاۋىپ العان. ونىڭ قانداي قارۋ جانە اتۋعا جارامدى ەكەنىن ول بىلمەگەن. قارۋدى پوليتسياعا تاپسىرۋ ماقساتىندا گاراجىندا ساقتاعان. تاپانشانى باليستيكالىق ساراپتامادان وتكىزگەن پوليتسەيلەر ونىڭ كەسىلگەن، اتۋعا جارامدى ەكەنىن انىقتادى»، دەپ كورسەتىلگەن حابارلامادا. قازىرگى كەزدە، اتالعان وقيعاعا بايلانىستى ق ر ق ك 287-بابىنىڭ 3- ءبولىمى (زاڭسىز قارۋ ساقتاۋ) بويىنشا سوتقا دەيىنگى قىلمىستىق ءىس قوزعالدى. اتالعان سانكسيا بويىنشا كۇدىكتى 5 مىڭ ا ە ك كولەمىندە ايىپپۇل تولەۋى نەمەسە 5 جىلعا باس بوستاندىعىنان ايىرىلۋى مۇمكىن.

اۆتور: اسلان وسپانوۆ