قىتاي مانداريندەرىنەن تۇماۋ جۇعاتىنى جايلى قاۋەسەتكە قاتىستى مينيسترلىك تۇسىنىك بەردى

استانا. قازاقپارات - ق ر ۇلتتىق ەكونوميكا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتى اۋرۋ جۇقتىراتىن مانداريندەر تۋرالى اۋديوجازبانىڭ تارالۋىنا بايلانىستى تۇسىنىكتەمە بەرەدى.

«اتالعان اقپارات شىندىققا سايكەس كەلمەيدى. تۇماۋ - بۇل ءجىتى رەسپيراتورلىق ۆيرۋستىق ينفەكسيالار (ج ر ۆ ي) توبىنا كىرەتىن تۇماۋ ۆيرۋسى تۋدىراتىن اۋرۋ. ينفەكتسيانىڭ كوزى ناۋقاس ادام بولىپ تابىلادى. اۋرۋ تۇشكىرۋ، جوتەلۋ، مۇرىننىڭ بىتەلۋى كەزىندە اۋا- تامشى جولىمەن جۇعادى. اۋرۋ تاعام ارقىلى بەرىلمەيدى. تاماق ونىمدەرى، ونىڭ ىشىندە ماندارين تۇماۋدىڭ كوزى جانە ونىڭ بەرىلۋ فاكتورى بولىپ تابىلمايدى، وسىعان وراي ونى پايدالانۋ ج ر ۆ ي جانە تۇماۋمەن سىرقاتتانۋدىڭ سەبەبى بولۋى مۇمكىن ەمەس»، دەلىنگەن حابارلامادا. ونداعى مالىمەتتەر بويىنشا، رەسپۋبليكادا ج ر ۆ ي- مەن سىرقاتتانۋ ماۋسىمدىق دەڭگەيدە ساقتالاىپ وتىر. ەپيدەميالىق ماۋسىم باستالعاننان بەرى رەسپۋبليكادا 200 مىڭنان استام ج ر ۆ ي جانە تۇماۋ جاعدايى، ونىڭ ىشىندە 489 تۇماۋ جاعدايى تىركەلگەن، 6319 ج ر ۆ ي جاعدايى سوڭعى ءۇش كۇندە تىركەلگەن.

ج ر ۆ ي- مەن سىرقاتتانعان ادامداردىڭ نەگىزگى بولىگىن 14 جاسقا (%66,2) دەيىنگى بالالار قۇرايدى، جۇكتى ايەلدەر - %3,5. اعىمداعى ەپيدەميالىق ماۋسىمدا ا (ن3) جانە ۆ ءتيپتى تۇماۋ ۆيرۋستارىنىڭ ەرتە اينالىمى بايقالۋدا. سونداي-اق، ج ر ۆ ي- مەن سىرقاتتانۋشىلىق رس ۆيرۋس، ادەنوۆيرۋس، رينوۆيرۋس، بوكاۆيرۋس، پاراگريپپ، مەتاپنيەۆموۆيرۋس جانە باسقالارى سياقتى تۇماۋ ەتيولوگياسىنا جاتپايتىن ۆيرۋستارمەن بايلانىستى. ج ر ۆ ي جانە تۇماۋمەن سىرقاتتانۋشىلىقتى تومەندەتۋ ماقساتىندا رەسپۋبليكادا ناقتى جۇمىستار اتقارىلۋدا. ەپيدەمياعا قارسى شۇعىل شارالاردى قابىلداۋ ماقساتىندا 1 -جەلتوقساننان باستاپ ق ر حالقىنىڭ ج ر ۆ ي جانە تۇماۋمەن سىرقاتتانۋ جاعدايىنا جانە قازاقستان مەن شەتەلدەگى تۇماۋ ۆيرۋسىنىڭ اينالىمىنا كۇندەلىكتى مونيتورينگ جۇرگىزىلۋدە. وڭىرلەردەگى ۆيرۋسولوگيالىق زەرتحانالار تۇماۋعا جانە باسقا دا رەسپيراتورلىق ينفەكسيالارعا زەرتتەۋ جۇرگىزۋ ءۇشىن قاجەتتى رەاگەنتتەرمەن، شىعىس ماتەريالدارىمەن قامتاماسىز ەتىلگەن.