اقتوبەدە ەرلىكپەن قازا تاپقان بەرىكجان قاليەۆتىڭ اناسىمەن «باتىس» وڭىرلىك قولباسشىسى كەزدەستى - فوتو
«باتىس» وڭىرلىك قولباسشىلىعىنىڭ باسپا ءسوز قىزمەتىنەن تۇسكەن مالىمەتكە قاراعاندا، قايرات اقتانوۆ وسىنداي ەرجۇرەك ۇلدى تاربيەلەگەنى ءۇشىن شىنايى العىسىن ءبىلدىرىپ، ونىڭ وتباسىنا الداعى ۋاقىتتا دا قولداۋ-كومەك كورسەتىلەتىنىن جەتكىزدى.
«سول وقيعادان كەيىن جۇرەگىم قانجىلاپ، كوز جاسىم تىيىلار ەمەس. دۇنيەدە اناعا بالادان ايىرىلعاننان اۋىر قاسىرەت جوق. ۇلىم اسكەري قىزمەتتە سونداي ادال بولسا، بىلايعى ومىردە دە سونداي جان ەدى. بولاشاقتا مۇنداي قايعىنىڭ بولماۋىن، انالاردىڭ جىلاماۋىن تىلەيمىن»، دەدى گۇلجان تولەي قىزى.
كەزدەسۋ سوڭىندا ق. اقتانوۆ بەرىكجان قاليەۆتىڭ اناسىنا باعالى سىيلىق تارتۋ ەتتى.
ايتا كەتەيىك، بيىلعى 5 -ماۋسىمدا اقتوبەدەگى لاڭكەستىك شابۋىل كەزىندە قانىپەزەرلەرگە قايمىقپاي قارسى تۇرعان ءۇش اسكەري قىزمەتكەر، اتاپ ايتقاندا، ق ر ۇ ق ك اسكەري قارسى بارلاۋ قىزمەتىنىڭ اعا جەدەل ۋاكىلى، مايور دانيەل مايلىبايەۆ، «باتىس» وڭىرلىك قولباسشىلىعىنا قاراستى 6655-اسكەري بولىمىندە كەلىسىمشارت بويىنشا قىزمەت ەتكەن كىشى سەرجانت بەرىكجان قاليەۆ جانە قاتارداعى جاۋىنگەر دوسبول ساپار قازا تاپقان-دى. تاۋەلسىزدىكتىڭ 25 جىلدىعىنا وراي 6655-اسكەري ءبولىمنىڭ قاتارداعى جاۋىنگەرى باقتيار قايىربەكوۆ، قايتىس بولعاننان كەيىن بەرىكجان قاليەۆ پەن دوسبول ساپار ءۇشىنشى دارەجەلى «ايبىن» وردەنىمەن، سونداي-اق قاتارداعى جاۋىنگەرلەر سىرىم سۇندەتوۆ، دەنيس چەرنىشوۆ «جاۋىنگەرلىك ەرلىگى ءۇشىن» مەدالىمەن ماراپاتتالعان ەدى. ب. قاليەۆتىڭ وردەنى جۋىردا ەلوردادا اناسىنا تابىس ەتىلگەن بولاتىن.
اۆتور: ەلجان ەرالى
