كەلەر جىلى قارجىنى قاي ۆاليۋتادا ساقتاعان ءجون
«2017 -جىلى ا ق ش دوللارى قازاقستاندىق تەڭگەدەن ايتارلىقتاي باسىم بولادى، ءبىراق بۇل تەڭگەگە تۇراقتى قىسىمدى بىلدىرمەيدى. دوللاردىڭ ورتاشا قۇنى كەلەسى جىلى 310-380 تەڭگە بولادى. نارىقتىڭ بۇل ءدالىزى تۇسىنىكتى جانە بارشاعا ايان. ەۋرو 335-410 تەڭگە كولەمىندە قالادى»، - دەدى بودروۆا قازاقپارات تىلشىسىنە.
سونىمەن بىرگە ونىڭ ايتۋىنشا، ينفلياتسيالىق احۋال قولدانىستاعى كونيۋنكتۋرادا داميتىن بولادى. تۇتىنۋشىلىق باعا يندەكسى بىرتە- بىرتە تومەندەيدى جانە جىل قورىتىندىسى بويىنشا 6 پايىزدى قۇرايدى. جانە ول اقشانى قانداي ۆاليۋتادا ساقتاۋ كەرەگىن ايتتى.
«ا ق ش دوللارىن الۋدا ناقتى ماقسات بولۋى ءتيىس. ەگەر ماقسات جەكە جيناعىڭىزدى تولتىرۋ بولسا، كۋرستى باقىلاپ، تەڭگە تۇراقتانعان كەزدە عانا USD ساتىپ العان ءجون. ەگەر سىرتقى جاعداي كۇتپەگەن توسىن سىيلار اكەلمەسە، كۋرستىق قۇبىلمالىلىق ءبىرقالىپتى بولۋى مۇمكىن. قازىر، ۆاليۋتالار مەن شيكىزاتتىڭ سترەسسى جوق كەزدە، جەكە جيناق سەبەتى ءوز كەلبەتىن وزگەرتەدى. وندا شامامەن 60 پايىز ا ق ش دوللارى، 30 پايىز تەڭگە، قالعانى ەۋرو مەن قولما- قول اقشا بولۋى مۇمكىن»، - دەپ ەسەپتەيدى اننا بودروۆا.
