ساراپشى: ۇلتتىق تەڭگەنىڭ نىعايۋى - قىسقا مەرزىمدى كورسەتكىش

استانا. قازاقپارات- «تەڭگەنىڭ نىعايۋى ۇزاق ۋاقىت ساقتالىپ تۇرادى دەپ ايتا المايمىن». ارنامىزعا بەرگەن سۇحباتىندا ەكونوميست سەرگەي سميرنوۆ وسىلاي دەدى.

سەرگەي سميرنوۆ، ەكونوميست: مەنىڭ ويىمشا، تەڭگەنىڭ نىعايۋى - قىسقا مەرزىمدى كورسەتكىش. ۇزاق ۋاقىت وسى باعادا قالادى دەپ ايتا المايمىن. و پ ە ك ەلدەرى مۇناي ءوندىرۋ كولەمىن شەكتەۋ تۋرالى كەلىسىم جاساسقانى بەلگىلى. بۇل ءوز كەزەگىندە قارا التىن قۇنىنىڭ وسۋىنە اسەر ەتتى. سوندىقتان كەلىسىمىنىڭ ورىندالۋىن باقىلاۋدا ۇستايتىن بولامىز. ەگەر شارت بۇزىلسا، مۇناي ارزاندايدى. ول ۇلتتىق ۆاليۋتامىزعا اسەر ەتەتىن بولادى. قازاقستان قور بيرجاسىنداعى تاڭعى ساۋدا سەسسياسىندا دوللار باعامى 328 تەڭگە 18 تيىنعا تەڭ بولدى. ساراپشىنىڭ پىكىرى، ەل ەكونوميكاسىندا تەڭگەنىڭ نىعايۋىنا اسەر ەتەتىن قانداي دا ءبىر وزگەرىستەر جوق، دەگەنگە سايادى.

 ايتا كەتەيىك، «قارا التىن» قۇنى باررەلىنە 54 دوللار شاماسىندا. قازىر الماتىنىڭ اقشا ايىرباستاۋ پۋنكتتەرىندە دوللار 332 تەڭگەگە ساۋدالانىپ جاتىر. ەسكە سالساق، بيىلعى 13-  مامىردا 1 دوللار 329 تەڭگە بولدى. كەيىن تەڭگە باعامى قايتادان السىرەي باستاعان.

«استانا» ارناسى