02:02, 26 - جەلتوقسان 2016 | GMT +5
شري- لانكادا الەمدەگى ەڭ ۇلكەن جاساندى شىرشا قۇراستىرىلدى
استانا. قازاقپارات - شري- لانكا بيلىگى كولومبو قالاسىندا الەمدەگى ەڭ ۇلكەن جاساندى شىرشانى قۇراستىردى، دەپ حابارلايدى بي- بي- سي.
شىرشا قاڭقاسى بولات سىمداردان جاسالىنىپ، قولدان سالىنعان ميلليونداعان بۇرشىكتەر مەن ءجۇز مىڭداعان مەرەكەلىك شامدارمەن بەزەندىرىلگەن. ونىڭ بيىكتىگى 73 مەتر.
يدەيا اۆتورلارى تۋىندىنى ءارتۇرلى ءدىني سەنىمدەگى ادامدار اراسىنداعى ءوزارا تۇسىنىستىكتىڭ نىشانى رەتىندە قۇراستىرعان. ولاردىڭ ايتۋىنشا، شىرشانى گيننەستىڭ رەكوردتار كىتابىنا الەمدەگى ەڭ بيىك شىرشا رەتىندە ەنگىزۋ ءۇشىن ءوتىنىش بەرىلگەن. قازىرگى رەكورد 2015 - جىلى قىتايدىڭ گۋاڭجوۋ قالاسىنداعى ورناتىلعان 53 مەترلىك شىرشاعا تيەسىلى. شري- لانكا تۇرعىندارى بۋدديزم، يندۋيزم جانە يسلام دىندەرىن ۇستانادى. سونداي- اق، بۇل ەلدە كاتوليك باعىتىن ۇستاناتىندار دا جوق ەمەس.
