قىتايداعى قازاقستاندىق ستۋدەنتتەردى قانداي ماسەلەلەر مازالايدى
دەپ حابارلايدى «قازاقپارات» ح ا ا- نىڭ قىتايداعى ءتىلشىسى.
قىتايداعى قازاقستان ستۋدەنتتەر بىرلەستىگىن مازالايتىن ماڭىزدى جانە وزەكتى ماسەلەلەر توڭىرەگىندە: دارىندى جانە ءبىلىمدى تۇلەكتەردىڭ جۇمىسقا ورنالاسۋى، قىتاي كاسىپورىندارى مەن ق ح ر اۋماعىنداعى ق ر مەكەمەلەرىندە تاجىريبەدەن ءوتۋ، بەيجىڭ شەت تىلدەر ۋنيۆەرسيتەتىندەگى «قازاقستان ورتالىعى» قىزمەتىنىڭ ماڭىزى جانە ت. ب. تۋرالى ەركىن تۇردە پىكىر الماستى.
ش. نۇرىشيەۆ قازاقستاندىق ستۋدەنتتەردىڭ بەلسەندى قاتىسۋىمەن ق ر تاۋەلسىزىدىگىنىڭ 25 جىلدىعىنا وراي بەيجىڭ، ءۇرىمجى، شيان جانە شاڭحاي قالالارىندا ءىس- شارالار ۇيىمداستىرىلعانىن اتاپ ءوتتى. ول 2016 -جىلدىڭ مامىر ايىندا چۇڭشين قالاسىندا وتكەن 5- قىتايداعى قازاقستاندىق ستۋدەنتتەردىڭ قۇرىلتايىنا وڭ باعا بەردى. بۇل قۇرىلتايعا بەيجىڭ، شاڭحاي، ۋحان، شيان، ءۇرىمجى، لانجوۋ، نانجيڭ، تيانجيڭ، شەنيان جانە گۋاڭجوۋ قالالارىندا ءبىلىم الىپ جاتقان 100 دەن استام ستۋدەنت قاتىسقان.
ەلشى قازاقستاندىق ستۋدەنتتەردىڭ ەلىمىزدىڭ وڭ يميدجىن قالىپتاستىرۋداعى، «100 ناقتى قادام» مەملەكەتتىك باعدارلاماسى، «ماڭگىلىك ەل» جالپى ۇلتتىق يدەياسى، «نۇرلى جول» جاڭا ەكونوميكالىق ساياساتى مەن ونىڭ «ءبىر بەلدەۋ، ءبىر جول» قىتايلىق باستاماسىن دامىتۋدا ماڭىزدى ءرول وينايتىنىن اتاپ ءوتتى.
شاحرات نۇرىشيەۆ ستۋدەنتتەردى «ەكسپو-2017» حالىقارالىق مامانداندىرىلعان كورمەسى مەن ستۋدەنتتەردىڭ قىسقى 2017-ۋنيۆەرسياداسىنا، سونىمەن قاتار قازاقستانداعى قىتاي تۋريزمى جىلى اياسىندا ەرىكتىلەر قوزعالىسىنا اتسالىسۋعا شاقىردى. ەلشى بەلسەندى ستۋدەنتتەردى العىس حاتتارمەن ماراپاتتادى.
ەسكە سالا كەتەيىك، قازىرگى تاڭدا قىتاي اۋماعىندا باكالاۆر، ماگيستراتۋرا، دوكتورانتۋرا مەن تىلدىك تاعىلىمدامالاردا 11 مىڭنان استام قازاقستاندىق ءبىلىم الۋدا.
