ەلىمىزدەگى جاڭاجىلدىق ەرەكشە ەسىمدەر اتالدى

استانا. قازاقپارات  - قازاقستاندا ەلكا ەسىمدى 78 ادامنىڭ بار ەكەنى بەلگىلى بولدى، - دەپ حابارلايدى Tengrinews.kz ءتىلشىسى.

ق ر ۇلتتىق ەكونوميكا مينيسترلىگى ستاتيستيكا كوميتەتىنى رەداكسيا جولداعان ساۋالعا بەرگەن جاۋابىندا 44 ادامعا ەلكا ەسىمى بەرىلگەنىن جانە تاعى 34 ادامنىڭ يولكا ترانسكريپتسياسىمەن تىركەلگەنىن ايتتى.

سونىمەن قاتار، ۆەدومستۆو وكىلدەرى جاڭاجىل ەسىمدى 5 ادامنىڭ بار ەكەنىن ايتتى. جاڭاجىلدىق ەسىمدەردىڭ اراسىندا اقشاقار دا بار. ەلىمىزدە 6 ادامنىڭ ەسىمى اقشاقار ەكەن، سونداي-اق، تاعى ءۇش ادام اقشاقار ترانسكريپتسياسىمەن تىركەلگەن بولىپ شىقتى.

ال استانادا يولكا جومارت ەسىمدى قىز تۇرادى ەكەن. ول قالاداعى قۇرىلىس دۇكەندەرىنىڭ بىرىندە كاسسير بولىپ جۇمىس ىستەيدى. قىزدىڭ ەسىمى كورسەتىلگەن چەكتىڭ سۋرەتى الەۋمەتتىك جەلىلەردە تارالعان بولاتىن. ءبىراق يولكا جومارت ەسىمدى قىز قانداي دا پىكىر بىلدىرۋدەن باس تارتتى.