بەردىبەك ساپاربايەۆ: قازاق قىزدارى اسىلىپ ءولىپ، شاش جۇلىسپاعان
قوعامداعى بالا تاربيەسى مەن قازاق قىزدارىنىڭ جايىن ايتتى دەپ حابارلايدى NUR. KZ پورتالىنىڭ وڭىردەگى ءتىلشىسى.
«قاشان قازاق قىزدارى اسىلىپ ءولىپ ەدى؟ قازاق قىزدارى قاشان ءبىر- ءبىرىنىڭ شاشىن جۇلدى؟ قاشان ولار توبەلەسىپ ەدى؟ قازاق قىزدارى اسىلىپ ءولىپ، شاش جۇلىسپاعان. قازىر جاستاردىڭ اراسىندا تۇسىك جاساتۋ دا كوپ. 13-14 جاستاعى قىزدار جۇكتى بولىپ جاتىر. ونى شەشەسى بىلمەي مە؟ شەشەسى قىزىنىڭ تۇندە جۇرەتىنىن، تاڭ اتا كەلەتىنىن بىلمەيدى مە؟ نەگە ولار بالاسىنان سۇرامايدى. تاربيەلى وتباسىنىڭ بالالارى كەشكى ساعات وندا ۇيىندە بولادى. سوندىقتان ءوزىمىز جوندەۋىمىز كەرەك. بۇلاي بولمايدى» ، - دەدى وبلىس اكىمى بەردىبەك ساپاربايەۆ.
اكىممەن كەزدەسۋگە كەلگەن تۇرعىندار جاستار اراسىندا اجىراسۋدىڭ كوبەيىپ كەتكەنى تۋرالى ماسەلەنى دە كوتەردى.
«جاستاردىڭ اجىراسۋىنا نە سەبەپ؟ تاربيە! ونى بەرەتىن اتا- انا. پوليسيا ولارعا ەشتەڭە ىستەي المايدى. سىزدەر، بىزدەر بولىپ قىزدارىمىزعا، بالالارىمىزعا جاقسى تاربيە بەرۋىمىز كەرەك» ، - دەدى اكىم.
وبلىس اكىمى قارا جامىلعان قازاق قىزدارىنىڭ تاعدىرىنا الاڭدايتىنىن ايتتى.
«جات اعىمنان اداسقاندار تۋرالى كوركەم فيلم مەن قويىلىمدار كورسەتىپ جاتىرمىز. باسقالار ءتۇسىنسىن دەپ. كەشە كوردىڭدەر، 25 جاستاعى جىگىتتەر جىلاپ وتىر. قايتىپ كەلەيىن دەسە جول جوق. ءومىر بويىنا تۇرمەدە وتىرادى. وسىنى جاستار كورىپ، ويلانۋ كەرەك. اتا- انا بالاسىنىڭ قايدا جۇرگەنىن، نەمەن اينالىساتىنىن ءبىلۋ كەرەك. كىشكەنتاي بالانى قاپ- قارا كيىندىرىپ قويادى. 5 جاستاعى بالاعا ناماز وقىتامىز، جاڭا تۋعان بالاعا ەكپە جاساتپايمىز. سوندا نە بولادى؟ ءبىز قايدا بارامىز؟ نەگە بولاشاعىمىزدى ويلامايمىز؟ اعايىندار، بۇلاي بولمايدى. مۇنىمەن ءبارىمىز بىرىگىپ اينالىسۋىمىز كەرەك» ، - دەدى بەردىبەك ساپاربايەۆ.
