ب ۇ ۇ يزرايل مەن پالەستينانىڭ اراسىنا تالاپ قويدى
قۇجاتتى ب ۇ ۇ قاۋىپسىزدىك كەڭەسىنە مۇشە 15 ەلدىڭ 14 ى قولدادى. ا ق ش دەلەگاتسياسى داۋىس بەرمەدى، دەپ حابارلايدى ۆەستي. ر ۋ. قابىلدانعان قاراردا اتاپ وتىلگەندەي، باسىپ الىنعان اۋماقتاردا يزرايلدىڭ قونىستاردى سالۋى حالىقارالىق قۇقىقتى بۇزىپ، قاقتىعىستاردى رەتكە كەلتىرۋدە كەدەرگى كەلتىرەدى.
قۇجات دۋ قول شاپالاقپەن قابىلداندى، دەپ حابارلايدى ت ا س س.
پرەمەر بينيامين نەتانياحۋدىڭ رەسمي وكىلى وفير گەندەلمان يزرايلدىڭ ب ۇ ۇ قاۋىپسىزدىك كەڭەسىنىڭ قونىستاندىرۋ تۋرالى قارارىن ورىندامايتىنىن مالىمدەدى.
«ب ۇ ۇ ق ك قارارىنا يزرايلدىڭ جاۋابى: يزرايل ب ۇ ۇ- نىڭ يزرايلگە قارسى ماسقارا قارارىن قابىل المايدى جانە بۇل ەرەجەنى ورىندامايدى»، - دەپ جازدى ول Twitter- دەگى پاراقشاسىنا. 1967 -جىلى يزرايل يورداننىڭ باتىس جاعالاۋىن ءوز باقىلاۋىنا العاننان كەيىن، بۇل اۋماقتا 120 عا جۋىق ەلدى مەكەندەر سالىندى. سونىمەن قاتار، ءتىپتى يزرايل بيلىگىنىڭ پىكىرىنشە، 100 گە جۋىق زاڭسىز ەلدى مەكەندەر قونىستاندىرىلدى. ول جەرلەردە بارلىعى 600 مىڭعا جۋىق يزرايلدىك ءومىر سۇرۋدە.
