الماتى وبلىسىندا كاسىپكەر جوعالىپ كەتتى

استانا. قازاقپارات - الماتى وبلىسىندا جەلتوقسان ايىنىڭ باسىندا قۇپيا جاعدايدا جوعالىپ كەتكەن كاسىپكەردى ىزدەستىرۋدە.

قاپشاعايداعى ۇيىندە تۇراققا قويىلعان ۆالەري حارلانوۆتىڭ اۆتوكولىگىندە قاننىڭ ىزدەرى تابىلعان. تۋىستارى ەر كىسىنى ۇرلاۋى مۇمكىن دەيدى. وسى ۋاقىت ارالىعىندا بىردە-ءبىر تۋىسىمەن حابارلاسپاعان. ەشكىم قارجى تالاپ ەتپەدى، دەپ حابارلايدى ك ت ك. 39 جاستاعى ۆالەري حارلانوۆتى تۋىستارى تاۋلىك بويى ۇزدىكسىز ىزدەستىرۋدە.

سوڭعى رەت ونى قاپشاعاي قالاسىنىڭ سىرتىنداعى شاعىن دۇكەندە كەشقۇرىم كورگەن. ۆالەريدىڭ ۇيىندە ەسكى كولىگى اشىق قالعان. دوستارى ماشينانى جاقىندا عانا الماتىعا ايداپ الىپ كەلدى. جاقىندارىنىڭ ايتۋىنشا، كولىكتىڭ سالونىندا قاننىڭ جانە بىرەۋدىڭ ساۋساق ىزدەرى تابىلعان. ءبىراق ونىڭ كىمگە تيەسىلى ەكەندىگى ازىرگە بەلگىسىز. اۆتوكولىكتەن ماشينا بازارىنداعى كونتەينەردىڭ كىلتى مەن قۇجاتتار جوعالعان. - مەن ونىڭ ۇيىنە كىرگەندە، توبەلەستىڭ نەمەسە شاشىلعان زاتتاردىڭ بەلگىلەرىن كورمەدىم. ءبىر ادامنىڭ جالعىز ءومىر سۇرگەنى عانا كورىندى. بارلىعى ءوز قالپىندا تۇردى - قاسىقتار، ستاقاندار مەن ءيتتىڭ تاماعى، - دەپ ايتادى الەكساندر بوچاروۆ.

ۆالەري حارلانوۆ سوڭعى جىلدارى الماتىنىڭ ماڭىندا تۇرعان. اۆتوبولشەكتەر ساتۋمەن اينالىسقان. جۇبايىمەن بىرنەشە جىل بۇرىن اجىراسقان، الايدا قىزىمەن قارىم- قاتىناسىن ۇزبەگەن. ءبىرىنشى بولىپ پوليتسياعا قىزى حابارلاسقان. كريستينانىڭ ايتۋىنشا، اكەسىنىڭ ءىز-ءتۇزسىز جوعالۋىنا بىرگە تۇراتىن ايەلدىڭ قاتىسى بار.