10:59, 24 - جەلتوقسان 2016 | GMT +5
قوقىس اراسىندا وتىرىپ، بار زەيىنىمەن ساباق وقىعان بالا الەم جۇرتشىلىعىن ءسۇيسىنتتى - فوتو
استانا. قازاقپارات - قىتايدا قوقىس جاشىگىن پارتا رەتىندە پايدالانىپ، ءۇي جۇمىسىن ورىنداپ وتىرعان وقۋشى بالا الەم نازارىنا ىلىكتى.
بۇل تۋرالى Daily Mail سايتى حابارلايدى.
جەلىگە تاراپ كەتكەن فوتودا قىتايدىڭ شيڭداۋ قالاسىندا تۇراتىن توعىز جاستاعى بالانىڭ ساباق وقۋ ءساتى بەينەلەنگەن. بالاقاي اناسى ءدال سول جەردە كارتوپ ساتىپ جاتقاندا، جانتالاسىپ ساباعىن وقىپ وتىرادى.
ول ءۇي جۇمىسىن ورىنداۋ ءۇشىن سول ماڭداعى قوقىس جاشىگىن پارتا رەتىندە پايدالانعان. فوتونى كورگەن جۇرتشىلىق بالانىڭ اقىلدىلىعىنا ءتانتى بولعان.
«بۇل بالا بولاشاقتا قىتايدىڭ ەڭ بەدەلدى ادامى بولادى»، «بالاقاي اناسىنىڭ ماقتانىشىنا اينالارى انىق»، - دەپ جازعان جەلى قولدانۋشىلارى.
