مەملەكەتتىك قىزمەتكە ورنالاسۋ تالاپتارى وزگەردى
بريفينگتە ماقسۇت وتەشەۆ مەملەكەتتىك قىزمەتكە ۇمىتكەرلەرگە قويىلاتىن بىلىكتىلىك تالاپتارى ماسەلەلەرىنە تۇسىندىرمە بەردى.
بىلىكتىلىك تالاپتارى ءاربىر مەملەكەتتىك ورگانمەن دەربەس جاسالادى جانە مىندەتتى تۇردە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىمەن كەلىسۋگە جاتادى. بىلىكتىلىك تالاپتارى بارلىق مەملەكەتتىك لاۋازىمدارعا ءبىلىمى، ەڭبەك ءوتىلىمى جانە قۇزىرەتتىلىگى بويىنشا ءبىرىڭعاي تالاپتار ورناتادى.
بىلىمگە تالاپتار لاۋازىم دەڭگەيىنە بايلانىستى ورناتىلادى. ءبىرقاتار لاۋازىمدارعا، مىسالعا، اۋىلدىق جانە اۋداندىق دەڭگەيلەرگە ورتادان كەيىنگى جانە تەحنيكالىق پەن كاسىبي بىلىمدەر رۇقسات ەتىلەدى. ءبىرقاتار لاۋازىمدار، مىسالعا، ورتالىق دەڭگەيدە ۇمىتكەرمەن پرەزيدەنت جانىنداعى مەملەكەتتىك باسقارۋ اكادەمياسىندا وقۋ وتكەرگەندىگى نەمەسە شەتەلدىك ءبىلىمى بار بولۋىەسكەرىلۋى مۇمكىن. مۇنداي ءبىلىمى بار مەملەكەتتىك لاۋازىمعا ۇمىتكەرلەرگە مەملەكەتتىك قىزمەتتە ەڭبەك ءوتىلىمىنىڭ قىسقالاۋ مەرزىمى تالاپ ەتىلەدى (مىسالعا 5 جىلدىڭ ورنىنا 3 جىل مەملەكەتتىك قىزمەتتەگى ءوتىلىم).
مەملەكەتتىك قىزمەتكە ۇمىتكەرلەرگە جۇمىس ءوتىلىمى ماڭىزى از ەمەس. قازىر مەملەكەتتىك قىزمەتكە مەملەكەتتىك ەمەس مەكەمەلەردە، قۇقىق قورعاۋ جانە ارنايى مەملەكەتتىك ورگانداردا جۇمىس ءوتىلىمى بار ازاماتتار تۇسە الادى.
مانساپتىق ۇلگى يكەمدىلىگىن قامتاماسىز ەتۋ جانە جەكە سەكتوردان دارىندىلاردى تارتۋ ءۇشىن مەملەكەتتىك ورگاندار مىندەتتەرىمەن ۇقساس قىزمەت سالالارىندا جۇمىس ءوتىلىمى بار ازاماتتار اراسىندا «اشىق» ىرىكتەۋ جۇرگىزۋ قاراستىرىلعان.
سونىمەن بىرگە، مەملەكەتتىك اپپاراتتى كاسىبيلەندىرۋ بويىنشا جاڭا تاسىلدەردى ىسكە اسىرۋ ءۇشىن جاڭارعان بىلىكتىلىك تالاپتاردا تومەنگى تۇرعان لاۋازىمدا ءبىر جىلدان كەم ەمەس ءوتىلىمى بولعان جاعدايداعى مەملەكەتتىك قىزمەتتە كەزەڭ- كەزەڭىمەن جىلجىتۋ تەتەگى ەنگىزىلگەندىگىن اتاپ ءوتۋ كەرەك.
مەملەكەتتىك قىزمەتكە ۇمىتكەرلەردىڭ كۆاليفيكاتسيالىق تالاپتارى مەملەكەتتىك قىزمەتتەگى جاڭا تاسىلدەردىڭ ەنىزىلۋىمەن جەتىلدىرىلۋدە.
اتالعان ساراپتامانىڭ نەگىزىندە، ەندىگى كەزەكتە اسكەري قىزمەتىندە، پارلامەنت پەن ماسليحات دەپۋتاتىنىڭ مارتەبەسىندەگى، سوت جانە حالىقارالىق قىزمەتكەرلەرى مارتەبەسىندەگى جۇمىس ءوتىلى ەسكەرىلەتىن بولادى. اتالعان جىلى كۆاليفيكاتسيالىق تالاپتارعا جاڭا «بىلىكتىلىك» جاڭا ۇعىمى ەنگىزىلدى. بۇل ءاربىر قىزمەتكەرلەرگە ءتيىمدى جۇمىس جاساۋ ءۇشىن قاجەتتى ءبىلىم مەن داعدىلاردان تۇراتىن جيىنتىق.
بىلىكتىلىكتى باعالاۋدىڭ اۆتوماتتاندىرىلعان جۇيەسى ءاربىر بىلىكتىلىكتى تەكسەرۋ ءۇشىن 12 تەستتىك جۇمىستان قۇرالعان.
باسشىلىق قىزمەتىنە ۇمىتكەلەرگە 10 بىلىكتىلىك دەڭگەيىن انىقتاۋعا 90 مينۋت، قالعان قىزمەتكە ۇمىتكەرلەر ءۇشىن 8 بىلىكتىلىك دەڭگەيىن انىقتاۋعا - 75 مينۋتتان بەرىلەدى.
اتالعان جىلدىڭ باسىنان جالپى جەكە قاسيەتتەرىن باعالاۋدا تەستتىلەۋدەن وتكەندەردىڭ %76,3 جوعارى باعادان الدى.
قازىرگى ۋاقىتتا اگەنتتىك ءبىرىڭعاي بىلىكتىلىك نەگىز رەتىندە جەتىلدىرۋلۋدە. بۇل ءتاسىل ءاربىر دەڭگەيدەگى قىزمەتتىڭ بىلىكتىلىگىن تەكسەرۋ الاپتارىن ناقتىلاپ الۋعا مۇمكىندىك بەرەدى.
مەملەكەتتىك قىزمەتكە تۇسۋشىلەرگە ارنالعان كۆاليفيكاتسيالىق جاڭارتىلعان تالاپتار مەملەكەتتىك قىزمەتكە وتۋدە تەڭ مۇمكىندىك الۋعا جانە مەملەكەتتىك قىزمەتكەرلەردىڭ ءتيىمدى جۇمىس اتقارۋ ءۇشىن كاسىبي دەڭگەيىن ارتتىرۋعا باعىتتالعان.
egemen.kz
