ليۆيالىق ۇشاقتى باسىپ العانداردىڭ قارۋلارى جاساندى بولىپ شىقتى

استانا. قازاقپارات - الدىن الا تەرگەۋ جۇمىستارىنىڭ مالىمەتى بويىنشا، ليۆيالىق ۇشاقتى باسىپ العاندار جاساندى قارۋ قولدانعان، دەپ جازادى مالتانىڭ پرەمەر-ءمينيسترى دجوزەف مۋسكات «تۆيتتەردەگى» پاراقشاسىنا.

ليۆيالىق ۇشاقتى ايداپ اكەتكەن قاسكۇنەمدەر مالتا حالىقارالىق اۋەجايىنا قونعان سوڭ، قاماۋعا الىندى. ولار تۇتقىنعا العانداردىڭ كوپ بولىگىن بوساتىپ، وزدەرى بەرىلدى. Afriqiyah Airways اۋە كومپانياسىنىڭ لاينەرى سابحا قالاسىنان ليۆيا استاناسى تريپوليگە ىشكى رەيسكە ۇشقاننان كەيىن باسىپ الىندى. بورتتا 118 ادام ادام بولعان. قازىرگە دەيىن باسقىنشىلاردىڭ ناقتى سانى انىقتالمادى. ولاردىڭ 2011 -جىلى بيلىكتەن شەتتەتىلىپ، ولتىرىلگەن ليۆيالىق كوشباسشى مۋاممار كاددافيدىڭ جاقتاستارى بولۋى مۇمكىن دەگەن مالىمەت بار.

كۋاگەرلەردىڭ ايتۋىنشا، بەلگىسىز بىرەۋ ۇشاقتىڭ باسقىشىنا شىعىپ، كاددافيدىڭ كەزىندەگى جاسىل تۋدى بۇلعاعان.