الماتىداعى بوكس باسەكەسىندە قىتايلىق ەكى بوكسشى جەڭىسكە جەتتى

استانا. قازاقپارات - قاراعاندىدا قاز ك س ر- دىڭ ەڭبەك سىڭىرگەن باپكەرى عالىم جارىلعاپوۆتى ەسكە الۋعا ارنالعان جىل سايىنعى حالىقارالىق تۋرنيردىڭ اقتىق سايىستارى ءوتتى، دەپ حابارلايدى قازاقپارات ق ر بوكس فەدەراتسياسىنا سىلتەمە جاساپ.

وسىمەن 33-رەت ۇيىمداستىرىلىپ وتىرعان تۋرنيرگە العاش رەت وليمپيادالىق باعدارلاماعا ەنەتىن سالماق دارەجەسىندەگى (51 كەلىگە دەيىن، 60 كەلىگە دەيىن جانە 75 كەلىگە دەيىن) قىزدار قاتىستى. 51 كەلى سالماققا دەيىنگى الەمنىڭ ەكى دۇركىن جەڭىمپازى نازىم قىزايباي (الماتى) فينالدا وزبەكستان سپورتشىسى ازيزابون ماميروۆانى ۇتتى.

60 كەلىگە دەيىنگى سالماقتا - قازاقستان مەن وزبەكستان ەلدەرىنىڭ سپورتشىلارى تاعى كەزدەستى. ناتيجەسىندە، اقمولا وبلىسىنىڭ بوكسشىسى كارينا يبراگيموۆا جەڭىسىن اتاپ ءوتتى. 75 كەلىگە دەيىنگى ءۇشىنشى سالماق دارەجەسىندە قاراعاندى وبلىسىنىڭ تۋماسى ۆيولەتتا كنيازيەۆا مەن قىزىلوردالىق اقەركە باقىتجان كەزدەستى. تارتىستى وتكەن جەكپە- جەك ۆيولەتتا كنيازيەۆانىڭ پايداسىنا شەشىلدى.

ەرلەر اراسىندا «التىن» ءۇشىن 49 كەلىگە دەيىنگى اسا جەڭىل سالماقتا الماتى وبلىسىنىڭ بىلعارى قولعاپ شەبەرى جاندوس ءناسىپجان مەن الىشەر ايتقوجانوۆ ايقاستى. جەڭىس تۇعىرىنان جاندوس ءناسىپجان كورىندى. 52 كەلىگە دەيىنگى سالماقتا قاراعاندى وبلىسىنان اقنيەت بالتابايەۆ ۇزدىك اتاندى. ول فينالدا اقمولا وبلىسىنىڭ سپورتشىسى ورازبەك اسىلقۇلوۆتان باسىم ءتۇستى. 56 كەلىگە دەيىنگى سپورتشىلار اراسىندا ءبىرىنشى ورىن ءۇشىن بەكجان قۇرالوۆ (الماتى وبلىسى) پەن قانات تۇرعانبايەۆ (قاراعاندى وبلىسى) جۇدىرىقتاستى.

60 كەلىگە دەيىنگى سالماق دارەجەسىندە اقتىق سايىستا جەڭىستى تاعى ءبىر قاراعاندىلىق - سەرگەي ماكاريحين اتاپ ءوتتى. ول الماتى وبلىسىنىڭ تۋماسى ميراس ەرتانوۆقا جول بەرمەدى. 64 كەلىگە دەيىنگى ايقاستا جەرگىلىكتى بوكسشى ماقسات جەكسەنبين قوستانايلىق نيكولاي شۆابادان باسىم ءتۇستى. قوستانايلىق بوكسشى سەرگەي كاربىۆنيچي 69 كەلىگە دەيىنگى سالماق دارەجەسىندە ۇزدىك دەپ تانىلدى.

قوستاناي وبلىسىنىڭ سپورتشىسى رۋستام جۋماگۋلوۆ (75 كەلى) تاباندى جەكپە-جەكتە قاراعاندىلىق ۆلاديسلاۆ ستولبوۆتى جەڭە الدى. ءوز ەلىنە «التىندى» قىتاي وكىلى ەركىن جانقوجا (81 كەلىگە دەيىن) الىپ بەردى، ول اۋىر شايقاستا و ق و تۋماسى ابزال قۇتتىبەكوۆتى جەڭدى. 91 كەلىگە دەيىنگى سالماقتا الەكسەي سيەۆاستيانوۆ (قاراعاندى وبلىسى) ەكىنشى رەت قاتارىنان ۇزدىك اتاندى. اسا اۋىر سالماق دارەجەسىندە (91 كەلىدەن جوعارى) جەرگىلىكتى بوكسشى دميتري زيسكو ق ح ر سپورتشىسى احمەت مايماتيگە ەسە جىبەرىپ الدى.

اۆتور: گۇلميرا الياكپاروۆا