كارىم ءماسىموۆ لاڭكەستىككە قارسى تۇرۋ ماسەلەلەرى بويىنشا كەڭەس وتكىزدى
استانا. قازاقپارات - 23 -جەلتوقساندا ۇلتتىق قاۋىپسىزدىك كوميتەتىنىڭ ءتوراعاسى كارىم ءماسىموۆ قازاقستان رەسپۋبليكاسى انتيتەررور ورتالىعىنىڭ كەزەكتى وتىرىسىن وتكىزدى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.
تەرروريزمگە قارسى ورتالىعىنا (ت ق و) مۇشە مەملەكەتتىك ورگاندار باسشىلارى جانە وبلىس اكىمدەرى لاڭكەستىكتى قارجىلاندىرۋ ارنالارىن انىقتاۋ جانە بەيتاراپتاندىرۋ بويىنشا بىرلەسكەن جۇمىس تيىمدىلىگىن ارتتىرۋ شارالارى مەن جاعدايىن قاراستىردى. سونداي-اق كەڭەس بارىسىندا تقو- نىڭ اعىمداعى جىلعى قىزمەتىنىڭ ناتيجەلەرى قورىتىندىلاندى، تەرروريزمگە قارسى جالپى مەملەكەتتىك جۇيەنى ودان ءارى جەتىلدىرۋ بويىنشا ءىس- شارالار ەنگىزىلگەن 2017 -جىلعى جۇمىس جوسپارى كەلىسىلدى.
