وزبەكستاننىڭ جاڭا پرەزيدەنتى قاي ەلگە ءبىرىنشى ساپار جاسايدى
سامارقاندتا ول وزبەك ەلىنىڭ جاڭا باسشىسىمەن كەزدەسپەك. شاۆكات ميرزيەيەۆ بولسا، العاشقى ساپارىن قازاقستان نەمەسە تاجىكستان رەسپۋبليكاسىنا جاسايدى دەگەن اقپارات بار، دەپ حابارلايدى قازاقپارات وزبەكستاننىڭ «فەرعانا» اگەنتتىگىنە سىلتەمە جاساپ.
اگەنتتىكتىڭ مالىمەتىنە سايكەس، قىرعىستان پرەزيدەنتىنىڭ وزبەك جەرىنە جاساعان سوڭعى ساپارى 2008-جىلى بولعان.
«وسى جولعى ساپار ەكى ەل اراسىنداعى ايماقتىق بايلانىستارىن جاقسارتادى دەگەن بولجام بار. يسلام كارىموۆتىڭ تۇسىندا ول بايلانىستار «قىرعيقاباق سوعىسقا» ۇلاسىپ كەتۋدىڭ ءسال-اق الدىندا قالعان. سونداي-اق وسى كەزدەسۋ وزبەكستاننىڭ جاڭا پرەزيدەنتى ءۇشىن العاشقى رەسمي شارا بولماق»، - دەلىنگەن رەسمي حابارلامادا.
ساپار بارىسىندا ا. اتامبايەۆ وزبەك باسشىسىمەن جەكە جانە كەڭەيتىلگەن قۇرامدا كەزدەسىپ، ەلدىڭ بۇرىنعى پرەزيدەنتى يسلام كارىموۆتىڭ قابىرىنە بارىپ قايتپاق. ال وزبەكستاننىڭ جاڭادان سايلانعان پرەزيدەنتى شاۆكات ميرزيەيەۆ ءوزىنىڭ العاشقى ساپارىن قازاقستانعا نەمەسە تاجىكستانعا جاسايدى، ال كەلەسى جىلدىڭ العاشقى توقسانىندا ماسكەۋگە ساپارلايدى دەگەن مالىمەت بار.
اۆتور: ارمان اسقاروۆ
