جىگىت تاڭداۋدا جاڭىلماڭىز

استانا. قازاقپارات - جىگىت تاڭدار تۇستا نە نارسەگە كوبىرەك ءمان بەرەمىز؟ بالالىقتىڭ ەنشىسىندەگى ەرتەگى كەيىپكەرلەرىنىڭ ماحابباتتارى ەستەرىڭدە مە؟

اق بوز اتتى حانزادالارىن جۇمباق جاسىرىپ، ەرلىگىن سىناپ، جەتى قات جەردىڭ استىنا جالعىز جىبەرەدى. وسىلاردى قالتقىسىز ورىنداعان جانعا تۇرمىسقا شىعىپ جاتاتىن.

بۇگىنگىنىڭ ماحابباتتارى ءتىپتى بولەك. قىز بالا ەر بالانىڭ الدىندا بارىنشا ۇياڭ، مىنەزى جۇمباق، گۇلدەي نازىك، سىپايى بولۋى ءتيىس. ەر-ازاماتتار قىز بالانىڭ وسى قاسيەتتەرىن ۇناتاتىنىن ەستەن شىعارماعان ءجون. قازاقتىڭ تاربيەسىندە قىز بالا ەشقاشان ءبىرىنشى بولىپ سەزىمىن بىلدىرمەگەن. بۇل -  زاڭدىلىق. سونىمەن جىگىتتى قالاي تاڭدايمىز؟

1. «سۇلۋ» جىگىت. بۇل تيپتەگى جىگىتتەردى بالا كەزىنەن اتا-اناسى جانە اعايىندارى ماپەلەپ، قىز بالاداي ەركەلەتىپ وسىرەدى. كوپ جاعدايدا كورىكتى جىگىتتەردىڭ اقىلى تايازداۋ بولىپ كەلەدى. دەسە دە، اقىلىنا كوركى ساي دەگەن تىركەستى ۇمىتپاعان ءجون. جىگىتتەردىڭ بۇل ءتۇرى نامىسشىل، تاكاپپار، ءسوز كوتەرە المايتىن بولادى. ءبىرىنشى كەزەكتە ءوزىن ويلايتىندىقتان، قارىم-قاتىناس ورناتۋ قيىنعا سوعادى. الايدا، ۇلكەننىڭ تاربيەسىن كورگەن جىگىتتەر دە بولادى. ولار كەرىسىنشە، جاردىڭ قادىرىنە جەتەتىن، قامقور بولىپ كەلەدى. سوندىقتان، ءبارى وزىڭىزگە بايلانىستى.

2. اقىلدى جىگىت. ولاردى بىردەن بايقاۋعا بولادى. سەبەبى، كەز كەلگەن تاقىرىپتا اڭگىمە وربىتە الاتىن، قارىم-قاتىناستا اشىق، وتە ءىلتيپاتتى بولىپ كەلەدى. جان-جاعىندا بولىپ جاتقان قۇبىلىستاردى بىردەن اڭعارادى. كوپ جاعدايدا سالماقتى، بەرىلگەن تاپسىرمانى مۇقيات ورىندايتىن ءارى جاۋاپكەرشىلىگى مول بولادى. اقىلدى جىگىتتەردىڭ جۇرەگىن جاۋلاۋ ءۇشىن جاساندىلىقتان اۋلاق بولۋ كەرەك. بارىنشا قاراپايىم بولعان ءجون.

3. جەڭىمپاز جىگىت. ولار «كەلدى - كوردى - جەڭدى» ۇستانىمىن ۇنەمى پايدالانىپ جۇرەدى. ولاردىڭ تاجىريبەسىندە مۇنداي جاعدايلار وتە كوپ بولعاندىقتان، كەز كەلگەن ۇدەرىستە قولدانادى. كوبىنەسە، ماقتانشاق، وزىنە سەنىمدى، تىم پىسىق بولادى. العا قويعان ماقساتى ءۇشىن تىنباي ەڭبەك ەتەتىندەرى دە كەزدەسەدى. بۇلاردىڭ قاتارىنداعىلار قىزدىڭ جۇرەگىن جاۋلاعانشا شىر اينالىپ جانىنان شىقپايدى. سەن جۇرەتىن كوشەدە ونىمەن كەزدەيسوق كەزدەسۋ بولىپ جاتسا، تاڭدانۋدىڭ قاجەتى جوق. كەلىسىمىڭدى العاننان كەيىن وزگەرىپ كەتۋى عاجاپ ەمەس. ءوز ەرەجەلەرىن ايتىپ، باعىنۋىڭدى تالاپ ەتەتىندەر دە كەزدەسەدى. بىرنەشە ۋاقىتقا ءۇنسىز جوعالىپ كەتۋى دە مۇمكىن. مۇندايدا قىز جۇرەگى جارالانادى. سوندىقتان، اقىلعا كوبىرەك باعىنعان دۇرىس.

4. پىسىق جىگىت. ولار وتە تىنىمسىز كەلەدى. ءبىر ورىندا وتىرمايدى. ءبىر ۋاقىتتا بىرنەشە جۇمىس اتقارۋعا بەيىم. دەسە دە، مىنەزى قۇبىلمالى.  قىزىعاتىن نارسەلەرى كوپ. ءىسى مەن ءسوزى جۇيەلى بولسا، سەنىم ارتۋعا بولادى. ول ءۇشىن ءسىز سابىرلى بولۋىڭىز كەرەك. سوندا ءبىر-ءبىرىڭىزدى تولىقتىرىپ وتىراسىزدار.

5. اقىنجاندى جىگىت. بۇل قاتارداعىلار اۋەزدى سويلەپ، قىزدىڭ ءتىلىن تابۋعا بەيىم. الايدا، شىعارماشىلىققا جاقىن ادامداردىڭ وزدەرىنە عانا ءتان ەرەكشە مىنەز-قۇلقى بولادى. كەي جاعدايدا اشۋشاڭ، كوپ تولعانىسقا تۇسكىش، جالعىزدىقتى جانى سۇيەتىن بولىپ كەلەدى. مۇنداي جىگىتتەرگە تالعامپاز، تاكاپپار، وتە ۇقىپتى قىزدار لايىق.

6. قىزقۇمار جىگىت. ولار قىز بالانىڭ ءتىلىن دە، كوڭىلىن دە تەز تابادى. الايدا تۇراقسىز بولادى. ءبىر مەزگىلدە بىرنەشە قىزدىڭ جۇرەگىنە جول سالاتىندارى دا تابىلادى. ولاردىڭ ارتىقشىلىعى -  تىم بالاجان. سول ءۇشىن دە ولارعا انالىق مەيىرىم تانىتقان دۇرىس. سۇيگەن قىزىن باعالايتىندارى دا كەزدەسەدى. جىگىت تاڭداعاندا جۇرەكتەن بۇرىن اقىلعا باعىنعان ءجون.

ەڭ باستىسى ءوزىڭدى قۇرمەتتەپ، ادال بولۋ كەرەك. سوندا عانا تاڭداۋدان قاتەلەسپەيسىڭ!

Massaget.kz