تولەشەۆتىڭ ءىسى بويىنشا فيگۋرانتتارعا راقىمشىلىق جاسالدى
«ءىس اپەللياتسيالىق ينستانتسياعا ي. ج. باقتىبايەۆ، س. ۆ. كولتاكوۆ، ب. س. جۇمين مەن ك. ك. پەرنەبايەۆا، سوتتالۋشىلاردىڭ قورعاۋشىلارى - تولەشەۆتىڭ مۇددەسىن قورعايتىن م. ا. جاقىپوۆا، باقتىبايەۆتىڭ مۇددەسىن قورعايتىن س. س. حاميدۋلينا، دوسقاليەۆتىڭ مۇددەسىن قورعايتىن ي. ۆ. سپيريدونوۆا، سوتتالۋشى پەرنەبايەۆتىڭ مۇددەسىن قورعايتىن ا. ا. ابلابەكوۆانىڭ شاعىمدارى كەلىپ ءتۇستى»، - دەپ اتاپ ءوتتى سوتتىڭ باسپا ءسوز قىزمەتىنىڭ وكىلدەرى.
اپەللياتسيالىق سوت القاسىنىڭ قاۋلىسىمەن ب. س. جۋمين، ك. ك. پەرنەبايەۆ پەن ك. ا. ىسقاقوۆقا قاتىستى اۋدانارالىق قىلمىستىق ىستەر جونىندەگى ارنايى سوتىنىڭ ۇكىمى راقىمشىلىق اكتىنە بايلانىستى وزگەرتىلدى.
«سوتتالۋشى ب. س. جۋمين مەن ك. ك. پەرنەبايەۆتىڭ وتەلمەگەن مەرزىمى ق ر 2016-جىلدىڭ 13- جەلتوقسانىنداعى «قازاقستان رەسپۋبيۋليكاسىنىڭ جيىرما بەس جىلدىعىنا وراي راقىمشىلىق جاساۋ تۋرالى» زاڭىنىڭ 4-بابىنىڭ 2-تارماعى نەگىزىندە تورتتەن بىرىنە قىسقارتىلدى. سوتتالۋشى ك. ا. ىسقاقوۆ «قازاقستان رەسپۋبليكاسىنىڭ جيىرما بەس جىلدىعىنا وراي راقىمشىلىق جاساۋ تۋرالى» زاڭىنىڭ 2-بابىنىڭ 3-تارماعىنىڭ 2-تارماقشاسى نەگىزىندە جازاسىن وتەۋدەن بوساتىلدى. جازانىڭ باسقا تۇستارى وزگەرىسسىز قالدى»، - دەلىنگەن سوت حابارلاماسىندا.
اپەللياتسيالىق ينستانتسيا توقتار تولەشەۆتىڭ ادۆوكاتى بەرگەن شاعىمدى قاناعاتتاندىرمادى. سوتتالعان بيزنەسمەنگە قاتىستى جازا سول كۇيىندە قالدى.
ەسكە سالايىق، بەلگىلى كاسىپكەر توقتار تولەشوۆ 2016-جىلدىڭ 30- قاڭتارىندا شىمكەنتتە ارنايى وپەراتسيا كەزىندە ۇستالعان بولاتىن. ونىڭ ءۇيىن جانە جۇمىس ورنىن ءتىنتۋ كەزىندە قارۋ-جاراق، ەسىرتكى زاتتارى مەن وقۋلىق تابىلعان ەدى. كاسىپكەرمەن قاتار ءۇش ادام ۇستالعان.
