قىتايدا قۇس تۇماۋىنان ەكى ادام قازا تاپتى
ءۇش جىل بۇرىن بۇل ەلدە وسى اۋرۋدان ونداعان ادام كوز جۇمعان ەدى. قىستىڭ باسىنان بەرى انحوي شىعىس پروۆينتسياسىندا ەكى ادام دۇنيە سالدى، دەپ حابارلايدى Reuters اگەنتتىگى جەرگىلىكتى دەنساۋلىق ساقتاۋ ورگاندارىنا سىلتەمە جاساپ.
ايتا كەتەيىك، انحويدا بارلىعى 8- جەلتوقساننان بەرى قۇس تۇماۋىنان بەس ادام قازا تاپتى. ءۇش ادامنىڭ دەنساۋلىق جاعدايى تۋرالى اقپارات ازىرگە بەلگىسىز.
Reuters اقپاراتىنا سۇيەنسەك، قىتايدا جەلتوقسان ايىندا قۇس تۇماۋى دياگنوزىمەن جەتى ادام تىركەلگەن. الايدا، ب ا ق حابارلاماسىنا سايكەس، اۋرۋ جۇقتىرعاندار سانى ودان كوپ.
ايتا كەتەيىك، ءبىر اي بۇرىن ۋكراينادا قۇس تۇماۋىن جۇقتىرعان ناۋقاس تىركەلگەن ەدى. قازىرگى تاڭدا ولاردىڭ سانى بەس ادامعا جەتتى، دەپ حابارلايدى NEWSru.ua.
ەۋرووداق ۋكرايندىق قۇس پەن قۇس ونىمدەرىن شىعارۋعا تيىم سالدى. سونداي-اق، تۋنيستە دە قۇس تۇماۋى تىركەلگەن.
