استاناداعى كەلىسسوزدەر سيرياداعى اتىس توقتاعان سوڭ باستالادى

استانا. قازاقپارات - جىل سايىنعى ۇلكەن باسپا ءسوز كونفەرەنتسياسىندا رەسەي پرەزيدەنتى ۆلاديمير پۋتيننىڭ مالىمدەۋىنشە، استاناداعى سيريا اراب رەسپۋبليكاسىمەن ساياسي تاتۋلاستىق كەلىسسوزى سيريا اۋماعىنداعى بارلىق اتىستىڭ توقتاتىلۋى تۋرالى تۇجىرىم قابىلدانعان سوڭ باستالادى.

«بۇل تاقىرىپقا قايتىپ ورالماس ءۇشىن ايتا كەتەيىن، سيريا اۋماعىنداعى اتىستىڭ توقتاتىلۋى تۋرالى تۇجىرىم قابىلدانعان سوڭ، ساياسي تاتۋلاستىق كەلىسسوزى باستالادى. ءبىز قازاقستاننىڭ ەلورداسى استانانى بەيتاراپ الاڭ رەتىندە ۇسىندىق. تۇركيا پرەزيدەنتى كەلىستى، يران - كەلىستى، پرەزيدەنت اساد تا كەلىسىمىن بەردى. پرەزيدەنت نازاربايەۆ وسىنداي جۇمىسقا جاعداي جاساپ، بەيتاراپ الاڭدى ۇسىنۋعا كەلىسىم بەردى. بارلىعى ويداعىداي بولادى دەپ ۇمىتتەنەمىن»، - دەدى پۋتين.

ونىڭ ايتۋىنشا، اللەپپوعا بايلانىستى جاعدايدى قالپىنا كەلتىرۋدە تۇركيا پرەزيدەنتى، يران باسشىلىعى، سار پرەزيدەنتى باشار اساد ۇلكەن رولگە يە.