اكىمنىڭ توقالى بولعىسى كەلەتىن قازاق قىزى جالپاق جۇرتقا جار سالدى
جەلىدە جۋرناليست مۇحيت ساپاربايەۆتىڭ «نەگە؟» دەپ اتالاتىن اۆتورلىق باعدارلاماسىنان ءۇزىندى جاريالاندى.
بويجەتكەن جۋرناليسكە ءوزىنىڭ كۇيەۋگە شىققىسى كەلەتىنىن ايتادى. بۇعان جۋرناليست وعان «توقال بولۋعا دايىنسىڭ با؟»، - دەپ توتەسىنەن سۇراق قويادى.
«بۇكىل قازاقستانعا كورسەتسىڭىز مەنى. ماعان ءبىر اعانىڭ كوزى ءتۇسىپ، ۇناتىپ قالسا، جاقسى بولار ەدى.
ارينە، توقال بولۋعا دايىنمىن. كىم دايىن ەمەس؟ مەن توقال بولعىم كەلەدى. ەگەر جاقسى ازاماتتار بولسا، ماعان كومەكتەسۋگە دايىن بولسا، مەن دە دايىنمىن»، - دەگەن قىز جاي ادامنىڭ، ءتىپتى ءانشىنىڭ دە ەمەس، اكىمنىڭ توقالى بولعىسى كەلەتىنىن ايتتى.
«انشىلەر كەرەك ەمەس دەپ ويلايمىن اكىم اعالار تۇرعان كەزدە. مەن اكىمنىڭ توقالى بولۋعا لايىقپىن»، - دەدى ول.
قىزدىڭ جاۋابى ءازىل مە، الدە ول شىنايى ءارى قالجىڭسىز جاۋاپ بەرىپ تۇر ما - ول جاعى بەلگىسىز.
