15:18, 23 - جەلتوقسان 2016 | GMT +5
تۇركيادا پارلامەنت ۆيتسە-سپيكەرى ۇستالدى
استانا. قازاقپارات - ستامبۇلدا تۇركيا بيلىگى رەسپۋبليكا پارلامەنتىنىڭ ۆيتسە-سپيكەرى، كۇردتەردىڭ حالىقتار دەموكراتياسى پارتياسىنان شىققان دەپۋتات پەرۆين بۋلداندى ۇستادى، دەپ حابارلادى تاسس اگەنتتىگى Habertürk تەلەارناسىنا سىلتەمە جاساپ.
دەپۋتاتتى ءوز ۇيىنەن الىپ كەتكەن. سونداي-اق، پوليتسيانىڭ قاماۋعا العانىن بۋلداننىڭ ءوزى راستاپ، بۇل تۋرالى Twitter- دەگى رەسمي پاراقشاسىنا جازدى.
سوڭعى ەكى ايدا تۇركيا بيلىگى كۇردتەر پارتياسىنىڭ وننان استام مۇشەسىن لاڭكەستىك ارەكەتكە قاتىسى بار دەگەن كۇدىكپەن تۇتقىنعا الدى. قازىرگى ۋاقىتتا پارتيانىڭ تەڭ ءتوراعالارى سەلاحاتتين دەميرتاش پەن فيگەن يۋكسەكداگ جانە جەتى پارلامەنتشى قاماۋدا وتىر.
