قازاقستاننىڭ تانىمال جىرشىلارى مەن تەرمەشىلەرى استانادا ونەر كورسەتەدى

استانا. قازاقپارات - استانا قالاسى اكىمدىگىنىڭ مەملەكەتتىك اكادەميالىق فيلارمونياسى 23 - جەلتوقساندا ساعات 19.00-دە «استانا» كونسەرتتىك زالىندا وتەتىن «عاسىرلار جىرلايدى» كونسەرتىنە شاقىرادى.

 كونسەرت باعدارلاماسىندا استانا، اقتوبە، اقتاۋ،  قىزىلوردا، تالدىقورعان، ماڭعىستاۋ قالالارىنىڭ تانىمال جىرشىلارى مەن تەرمەشىلەرى قاتىسادى.

 بۇل تۋرالى استانا قالاسىنىڭ مادەنيەت، مۇراعاتتار جانە قۇجاتتاما باسقارماسىنان حابارلادى. ءىس- شارادا استانا قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ ءداستۇرلى حالىق ءان ءبولىمىنىڭ ارتىستەرى: جاقسىكەلدى ماياساروۆ، زۋلفيا بايمۇرزايەۆا، پەريزات تۇراروۆا، جازگۇل دانىلبايەۆا، ساكەن سىزدىق، جالعاس سۇلتان سونداي- اق باسقا وبلىستاردان كەلگەن شولپان بەيتىمبەتوۆا، ماقپال توقتاعانوۆا، ەلدوس جۇماعۇلوۆ، جانسەرىك سەيتىكوۆ جانە ت. ب. ارتىستەر ونەر كورسەتەتىن بولادى.