استانادا جالعا بەرىلەتىن پاتەرلەر قىمباتتاپ كەتتى
ءۇش جانە كوپبولمەلى پاتەرلەردى جالداۋدىڭ قۇنى وسكەن.
استانانىڭ جالعا بەرىلەتىن باسپانالارىنىڭ نارىعىنا بيىلعى 12-18 -جەلتوقسان ارالىعىندا جۇرگىزىلگەن باقىلاۋ قالا بويىنشا ءبىر شارشى مەتردى جالداۋدىڭ ورتاشا قۇنىنىڭ 2399 تەڭگەگە (ءبىر اپتادا 3,49 پايىزعا وسكەن) تەڭ ەكەنىن، ال پاتەردى جالداۋدىڭ ورتاشا قۇنى ايىنا 199 مىڭ تەڭگەگە جەتكەنىن (12,87 پايىزعا وسكەن) كورسەتكەن.
ءۇش بولمەلى پاتەردىڭ ورتاشا مولشەرلەمەسى - 245 مىڭ تەڭگە (اپتاسىنا 9,3 پايىزعا وسكەن)، ءتورت بولمەلى - 515 مىڭ تەڭگە (9,8 پايىز). سالىسترار بولساق، ءبىر بولمەلى پاتەردى جالداۋعا ايىنا 94 مىڭ تەڭگە (0,3 پايىزعا قىمباتتاعان) بەرەسىز، ال ەكى بولمەلى پاتەرگە 133 مىڭ تەڭگە (6 پايىزعا ارزانداعان).
استانادا قىمبات باسپانالار سەگمەنتىندە پاتەر جالداۋ ءۇشىن ايىنا ورتاشا ەسەپپەن 350 مىڭ تەڭگە جۇمسالادى. ال ارزان پاتەرلەر سەگمەنتىندە ايىنا 113 مىڭ تەڭگە قاجەت.
