قازاندا ماس جۇرگىزۋشى اۋەجايعا كولىگىمەن كىرىپ كەتىپ، وراسان شىعىن كەلتىرگەن - كەسكىن
جەلىدە وقيعانىڭ ۆيدەوسى پايدا بولدى.
قۇقىق قورعاۋ قىزمەتكەرلەرى ۆاز-2115 كولىگىن قازان قالاسىنىڭ ورتالىعىندا توقتاتپاق بولعان ەكەن. جۇرگىزۋشى زاڭدى تالاپقا باعىنباي، پوليتسيادان قاتتى جالدامدىقپەن قاشقان. پوليتسيا كولىك سوڭىنا تۇسكەن، ۆاز قالا اۋماعىنان شىعىپ، اۋەجايعا جەتكەن. جۇرگىزۋشى شلاگباۋىمنان ءوتىپ، تالون العان. سوسىن كولىك تۇراعىنا بارىپ، باسقا اۆتوكولىكتەر اراسىنا ءوز كولىگىن جاسىرماق بولعان. جۇرگىزۋشى ءوزىن بايقاپ قويعانىن كورگەننەن كەيىن، قايتادان قاشۋعا تىرىسقان.
باسىلىمنىڭ پايىمىنشا، پوليتسيا كولىكتىڭ الدىن بوگەگەن، سول كەزدە جۇرگىزۋشى اۋەجاي تەرمينالى ارقىلى وتپەك بولىپ، تەرمينال ىشىنە اينەك تەرەزەلەردى شاعىپ كىرگەن. ول اۋەجايدىڭ زالى ارقىلى ءجۇرىپ ءوتىپ، باسقا جاعىنان شىققان. اۆتوتۇراقتا ول بوگەتكە سوعىلىپ، قولعا تۇسكەن. باسىلىمنىڭ مالىمەتىنشە، پوليتسيا قىزمەتكەرلەرى جۇرگىزۋشى تەراكت جاساماق نيەتتە بولدى دەپ ويلاعان. كولىكتى تەكسەرۋ ءۇشىن جارىلعىش تەحنيكا ماماندارى مەن قىزمەتتىك ءيتى بار ساراپشى شاقىرتىلعان. كۇدىك راستالمادى. جۇرگىزۋشىنىڭ ماس ەكەندىگىن انىقتايتىن مەديتسينالىق كۋالىكتەن باس تارتقانى دا حابارلاندى. قازىر ول قازان اۋەجايىنىڭ پوليتسيا بولىمشەسىندە قاماۋدا وتىر.
باسىلىمنىڭ حابارلاۋىنشا، توتەنشە جاعدايدان كەيىن حالىقارالىق "قازان" اۋەجايىندا جوندەۋ جۇمىستارى جۇرگىزىلىپ جاتىر. جۇرگىزۋشى زالدى اينالىپ ءجۇرىپ، دەتەكتورلار مەن وزگە دە تەكسەرىس تەحنيكاسىن قيراتقان. ول كوفەحانالردىڭ اينەكتەرىن دە سىندىرىپ وتپەك بولعان. قازىر جۇرگىزۋشىدەن سۇراۋ الىنىپ جاتىر.
ن ت ۆ ارناسىنىڭ مالىمەتىنشە، 40 جاستاعى جۇرگىزۋشىنىڭ كەلتىرگەن زالالى التى ميلليون رۋبلدى قۇراپ وتىر.
tengrinews.kz
