جاپونيا ۇكىمەتى نانجيڭ وقيعاسىنا بايلانىستى يۋنەسكو جارناسىن كەشىكتىرىپ تولەدى

استانا. قازاقپارات -  جاپونيا ۇكىمەتى يۋنەسكو ۇيىمىنا جىلدىق جارنانى كەشىكتىرىپ تولەدى.

نەگىزى قۇرىلىم مۇشەلەرى جارنانى ءار جىلدىڭ مامىر ايىندا اۋدارۋى ءتيىس. الايدا، توكيو ۇيىمنىڭ 1937 -جىلى قىتايدىڭ نانجيڭ قالاسىندا بولعان وقيعالاردىڭ قۇجاتتارىن «الەم ەستەلىگىنە» قوسۋىنا نارازىلىق ءبىلدىرىپ، تولەمدى 7 ايعا كەشىكتىرگەن.

 ال كۇنشىعىس ەلىنىڭ ۇيىمعا تولەيتىن جارناسى 38 ميلليون دوللار شاماسىندا. ايتا كەتكەن ءجون، نانجيڭ وقيعاسى - 20- عاسىر تاريحىنداعى اقتاڭداق بەتتەردىڭ ءبىرى. باسقىنىشىلىق كەزىندە جاپون اسكەرى 300 مىڭعا جۋىق ادامدى ولتىرگەن. ءبىراق جاپون تاراپى قىرعىندى مويىنداعانمەن قۇجاتتاردىڭ ازدىعىنان قۇربانداردىڭ سانىن ناقتى كورسەتۋ مۇمكىن ەمەستىگىن ايتادى.

www.24.kz