08:09, 23 - جەلتوقسان 2016 | GMT +5
ترامپ ا ق ش- تىڭ يادرولىق الەۋەتىن ارتتىرۋ قاجەتتىگىن ايتتى
استانا. قازاقپارات - ا ق ش- تىڭ جاڭادان سايلانعان پرەزيدەنتى دونالد ترامپ ا ق ش يادرولىق قارۋلانۋ سالاسىنداعى مۇمكىندىكتەرىن ايتارلىقتاي كەڭەيتۋى تيىستىگىن ءمالىم ەتتى، دەپ حابارلايدى قازاقپارات رەسەي جاڭالىقتارى اگەنتتىگىنە سىلتەمە جاساپ.
«جەر- جاھان يادرولىق بومبالارعا قاتىستى ەسىن جيماي تۇرعاندا قۇراما شتاتتار ءوزىنىڭ يادرولىق مۇمكىندىكتەرىن ايتارلىقتاي نىعايتۋى جانە كەڭەيتۋى ءتيىس»، - دەپ جازدى ترامپ Twitter- دە. ترامپ ءوزىنىڭ جازباسىنا قاتىستى تولىق ءمان- جايدى اتاپ وتپەدى.
ەسكە سالايىق، دونالد ترامپ حيلاري كلينتونمەن وتكەن سايلاۋالدى پىكىرتالاستا رەسەيدىڭ يادرولىق ارسەنالى امەريكالىققا قاراعاندا جاڭا، ال ا ق ش مۇمكىندىكتەرى توزعانىن اتاپ وتكەن بولاتىن. «ترامپ يادرولىق قاۋىپتى ەڭ ۇلكەن قاتەر» دەپ اتادى جانە مۇنداي قارۋدان تولىعىمەن باس تارتۋ ءجون بولارىن قوسىپ ءوتتى. ءبىراق ءوزىنىڭ پرەزيدەنتتىك قىزمەتىندە يادرولىق قارۋسىزدانۋدى ءبىرىنشى بولىپ باستامايتىندىعىن قاداپ ايتتى.
