استانادا قازاقتىڭ حالىق اندەرى دجاز مۋزىكاسى ارلەۋىندە ورىندالادى
بۇل توپتىڭ ەرەكشەلىگى - ونىڭ ءار قاتىسۋشىسى ەسىمى تانىمال ءارى تالانتتى مۋزىكانت بولىپ تابىلاتىندىعىندا. جوبانىڭ جەتەكشىسى - قوبىزشى عازيزا عابدراحمانوۆا، پروديۋسەرى - بەلگىلى كومپوزيتور رەنات عايسين، سوليستەرى - ۆيكتور حومەنكوۆ، جالعاسبەك ىلەس، قۇرمانعازى قاليەۆ، ەرمەك دياروۆ، ۆالەري ناسيبۋلين جانە ت. ب. كونسەرتكە ەجەلگى قازاق ۇلتتىق مۋزىكا اسپاپتارى - جەتىگەن، سىبىزعى، سازسىرناي، قامىس- سىرناي، قاۋرسىن- سىرناي مەن شاڭقوبىزدا ويناۋدى جەتىك مەڭگەرگەن ينسترۋمەنتاليست، سونداي-اق كەڭىردەكپەن ءان ايتۋدىڭ شەبەرى ەدىل قۇسايىنوۆ، كۇيشى سەكەن تۇرىسبەك پەن ءانشى ارداق بالاجانوۆا قوناق رەتىندە شاقىرىلدى.
كەش بارىسىندا «اق سيسا»، «گاككۋ»، «ياپۋراي»، «ءاي-ءاي بوپەم» سىندى حالىق اندەرى، سونداي-اق رەنات عايسين مەن ۆيكتور حومەنكوۆتىڭ اۆتورلىق شىعارمالارى، قازاق حالقىنىڭ مۋزىكالىق مۇراسىنا اينالعان حيتتەر قازىرگى زامانعى مۋزىكانتتاردىڭ قابىلداۋ پريزماسى ارقىلى جاڭاشا ورىندالادى. The Magic Of Nomads
2005 -جىلى قۇرىلعان مۋزىكانتتار ۇجىمى، ەتنو- فيۋجن ستيلدە جۇمىس ىستەيدى، دجازبەن جانە قازىرگى زامان مۋزىكاسىنىڭ باسقا دا جانرلارىمەن ارالاس قازاق حالىق مۋزىكاسىن ۇسىنادى.
مۋزىكالىق ۇجىمنىڭ جۇمىسىنا كومپوزيتور، فولكلوردى زەرتتەۋشى جانە اعاش اسپاپتاردا ورىنداۋشى ەدىل قۇسايىنوۆ تا اتسالىسۋدا. ارتيستەردىڭ «بۇلبۇل زامان» اتتى العاشقى كۇيتاباعى 2008 -جىلى لوندوندا اڭىزعا اينالعان Abbey Road ستۋدياسىندا جازىلدى. The Magic of Nomads توبى كەزىندە The Beatles, Pink Floyd جانە باسقا دا روك ورىنداۋشىلار ءوز اندەرىن جازعان لوندوندىق ستۋديادا البومىن شىعارعان قازاقستانداعى جالعىز توپ. ۇجىم كوپتەگەن قازاقستاندىق جانە حالىقارالىق ەتنو- جانە دجاز فەستيۆالدارعا قاتىسقان، مۋزىكانتتار نيۋ-يوركتە، لوندوندا، بەرليندە، فرانكفۋرتتا، گاننوۆەردە، ميۋنحەندە ونەر كورسەتكەن. كونسەرت بۇگىن، 23 -جەلتوقسان كۇنى ساعات 19:00 بەيبىتشىلىك جانە كەلىسىم سارايىندا وتەدى.
