دومينيكان بوكسشىسى قازاقستاندىقتىڭ يىعىنان تىستەپ الدى

استانا. قازاقپارات - قازاقستاندىق بوكسشى ەرجان زاليلوۆ پەن الەكس مورا اراسىندا وتكەن جەكپە-جەكتىڭ تولىق ۆيدەوسى جاريالاندى، - دەپ حابارلايدى Vesti.kz.

ولار جەلتوقساننىڭ 17 نەن 18 نە قاراعان ءتۇنى بيلباو (يسپانيا) قالاسىندا كەزدەستى. كەزدەسۋ جەتىنشى راۋندتا دومينيكان بوكسشىسىنىڭ الاڭنان قۋىلۋىنا بايلانىستى اياقتالدى. وسىلايشا، زاليلوۆ ءوزىنىڭ سپورتتىق مانسابىنداعى بەسىنشى جەڭىسىنە قول جەتكىزدى.

وسىعان دەيىن، زاليلوۆتىڭ ايتۋىنشا، جەتىنشى راۋندتا كلينچ كەزىندە مورا ونىڭ يىعىن تىستەپ العان، سول ءۇشىن دە الاڭنان قۋىلعان. سونىمەن قاتار، ول ءوز قارسىلاسىن ەكىنشى راۋندتا نوكداۋنعا تۇسىرگەن.