قازاقستاندا ەفيردەگى «ازىلدەر» ءۇشىن ب ا ق- قا ايىپپۇل سالۋ ۇسىنىلدى
بۇگىن اقپارات، كوممۋنيكاتسيالىق تەحنولوگيالار جانە مەملەكەتتىك قىزمەتتەر كورسەتۋ سالاسىن دامىتۋ ماسەلەلەرى بويىنشا قوعامدىق كەڭەستىڭ وتىرىسىندا باس رەداكتورلار كلۋبىنىڭ پرەزيدەنتى بيبىگۇل جەكسەنباي وسىلاي ءمالىم ەتتى، دەپ حابارلايدى قازاقپارات.
«و ر ت-ەۋرازياداعى» ءبىزدىڭ ارىپتەستەرىمىزگە بايلانىستى بولعان وقيعاعا توقتالاتىن بولسام، زاڭ جوباسىندا (ق ر كەيىبىر زاڭنامالىق اكتىلەرىنە اقپارات جانە كوممۋنيكاتسيالار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى») كورەرمەندەر مەن اۋديتوريا الدىنداعى ب ا ق جاۋاپكەرشىلىگىن كورسەتۋ كەرەك دەپ ويلايمىن. ءازىل نەمەسە باسقا دا جولمەن نەلىكتەن جالعان اقپارات بەرىلەدى. بۇل ۇلكەن ماسەلە، سەبەبى حالىق تەك بۇقارالىق اقپارات قۇرالدارىنا عانا ەمەس، سونىمەن قاتار بيلىككە سەنىمىن جوعالتىپ الادى. سوندىقتان بۇل ماسەلەنى زاڭ جوباسىنا كىرگىزۋ كەرەك، ول اقپارات قۇرالدارىنىڭ حالىق الدىنداعى جاۋاپكەرشىلىگىنە بايلانىستى. ادەيى جاسالعان جالعان اقپاراتقا ايىپپۇل سانكسيالارىن ەنگىزۋگە بولار ەدى»، - دەدى جەكسەنباي.
ونىڭ پايىمىنشا، ەگەر دە ءبىر تەلەارنا وسىندايعا جول بەرەتىن بولسا، وندا رەيتينگتى كوتەرۋ ءۇشىن وزگەلەرى دە ءتۇرلى «ازىلدەردى» ويلاپ تاباتىن بولادى. ءوز كەزەگىندە ق ر اقپارات جانە كوممۋنيكاتسيالار ۆيتسە-ءمينيسترى الان اجىبايەۆ زاڭ جوباسىندا بارلىق ب ا ق- تىڭ ورىنداۋى ءتيىس ۇستانىمدارى ايقىندالعانىن جەتكىزدى.
«ءسىز ايتىپ وتىرعان نورما ب ا ق وكىلدەرىنىڭ قاتىسۋىمەن جۇمىس توبىندا قىزۋ تالقىلاندى. زاڭ جوباسىنا ب ا ق جۇمىسىنىڭ ۇستانىمدارىن ەنگىزۋدى، ياعني ماسەلەنى جان-جاقتى تارقاتۋ تۇرعىسىندا تەڭگەرىم ساقتالۋ ءۇشىن وبەكتيۆتىلىكتى، ناقتىلىق جانە زاڭدىلىقتى ەنگىزۋدى ۇسىندىق»، - دەدى اجيەۆ.
ەستەرىڭىزگە سالا كەتەيىك، 17- جەلتوقساندا «ەۋرازيا» ءبىرىنشى ارناسى ەفيرىندە قازاقستاندىق تەلەجۇرگىزۋشى ايميرا شاۋكەنتايەۆا جانە ۆلاديمير پوزنەردىڭ قاتىسۋىمەن باعدارلامانىڭ ەپيزودى كورسەتىلگەن بولاتىن. وندا تەلەجۇرگىزۋشى «العاش رەت پوزنەردىڭ سۇراقتارىنا جاۋاپ بەردى».
بۇل كورسەتىلىم قوعامنىڭ نارازىلىعىن تۋدىرعان بولاتىن. كەيىننەن تەلەارنانىڭ وكىلدەرى بۇل ۆيدەو ءازىل تۇرىندە جاسالعانىن حابارلادى.
اۆتور: رۋسلان عابباسوۆ
