بەيجىڭدە اۆتوبۋس بازارداعى ادامداردى قاعىپ كەتتى

استانا. قازاقپارات - بەيجىڭنىڭ سولتۇستىگىندەگى چانپين اۋدانىندا شاعىن اۆتوبۋس اۋىل شارۋاشىلىعى بازارىندا جۇرگەن ادامداردى قاعىپ كەتتى.

ءتورت ادام مەرت بولدى، وزگە دە زارداپ شەككەندەر بار. شينحۋا اگەنتتىگىنىڭ حابارلاۋىنشا، وقيعا سارسەنبى كۇنى تۇسكى ۇشتەردە ورىن العان.

بەلگىسىز سەبەپتەرمەن شاعىن اۆتوبۋس ماچيكوۋ كەنتىندەگى بازارعا سوقتىعىسقان. بارلىق زارداپ شەككەندەر اۋرۋحاناعا جەتكىزىلدى. ميكرواۆتوبۋس جۇرگىزۋشىسىن پوليتسيا قاماۋعا الدى. وقيعانىڭ ءمان-جايى انىقتالۋدا.