يران- قازاقستان قارىم- قاتىناسىنىڭ دامۋىنا كەيبىر كەدەرگىلەردىڭ جويىلاتىنىنا سەنەمىن - رۋحاني
«قازاقستان رەسپۋبليكاسىنىڭ 25 جىلدىق مەرەيتويىنا وراي ءسىزدى جانە ءبىز ءۇشىن اسا قىمبات قازاقستان حالقىن قۇتتىقتايمىز. ءبىز مۇسىلمان مەملەكەتتەرى سانالاتىن ەلدەرىمىز اراسىنداعى دوستىق پەن باۋىرلاستىق قارىم- قاتىناستى جالعاستىرۋدى قولدايمىز. سونىمەن قاتار ءبىزدى كاسپي بويىنداعى تاريحي، ەجەلدەن كەلە جاتقان كورشىلەستىگىمىز دە بايلانىستىرىپ جاتىر. ءبىز قارىم- قاتىناسىمىزدى بارلىق سالادا كوتەرۋگە نيەتتىمىز»، - دەدى يران پرەزيدەنتى.
رۋحاني ەلباسى نۇرسۇلتان نازاربايەۆقا يران مەن «التىلىق» اراسىنداعى يادرولىق كەلىسىمگە قول جەتكىزۋدەگى، سونىمەن قاتار بىرلەسكەن ءىس- قيمىل جوسپارىن جۇزەگە اسىرۋداعى ايرىقشا ءرولى ءۇشىن شىنايى ريزاشىلىعىن ءبىلدىردى.
«سونىمەن بىرگە بەيبىت اتوم سالاسىنداعى يران مەن قازاقستان اراسىنداعى جاقسى ىنتىماقتاستىق ءۇشىن دە سىزگە شىنايى ريزاشىلىعىمدى بىلدىرەمىن. ءسىز ءار ۋاقىتتا دا حالىقارالىق ارەنادا، ۇيىمداردا جانە وڭىرلىك دەڭگەيدە يرانعا قولداۋ ءبىلدىرىپ كەلەسىز. ءبىزدىڭ قارىم- قاتىناسىمىزدىڭ دامۋىنا بوگەت بولاتىن كەيبىر كەدەرگىلەردىڭ جويىلاتىندىعىنا سەنىم ارتامىز»، - دەدى رۋحاني.
اۆتور: مارلان جيەمباي
