تايلاند ۋنيۆەرسيتەتى وقۋ اقىسى رەتىندە كۇرىش قابىلداپ جاتىر
دەپ حابارلادى tuktuk.news Bloomberg سايتىنا سىلتەمە جاساپ.
رانگسيت ۋنيۆەرسيتەتىنىڭ باستاماسى - كۇرىش ءوسىرىپ جان باعاتىن 16 ميلليون تايلىققا كومەك كورسەتۋگە باعىتتالعان كوپتەگەن تالپىنىستاردىڭ ءبىرى. ىشكى جانە ەكسپورتتىق نارىقتا كۇرىشتىڭ ارتۋىنان كۇرىش باعاسى كۇرت تومەندەدى. قازان ايىنىڭ سوڭىندا تايلاند ۇكىمەتى فەرمەرلەردى قولداۋعا باعىتتالعان باعدارلامانىڭ ىسكە قوسىلعانىن جاريالادى. سونىمەن بىرگە، كوپشىلىگى ماسەلەنى ءوز بەتىمەن شەشۋگە تىرىسۋدا، ماسەلەن، كۇرىشتى Facebook ارقىلى نەمەسە جانارماي بەكەتتەرىندە ساتىپ ءجۇر.
22 جاستاعى ۆيتسانۋ سۋكمۋنسيري - وقۋ اقىسىن كۇرىشپەن تولەۋ مۇمكىندىگى بار رانگسيت ۋنيۆەرسيتەتىنىڭ 19 ستۋدەنتىنىڭ ءبىرى. ول قاڭتار- ءساۋىر ايلارىنداعى وقۋ اقىسى ءۇشىن 20620 بات سوماسىنا كۇرىش اكەلۋى ءتيىس. «ايتپەسە، مەنىڭ اتا- انام ءوسىمقورلارعا جۇگىنەر ەدى»، - دەدى ۆيتسانۋ. باعدارلامانىڭ جۇزەگە اسۋىنا جاۋاپتى دەكان ۆوراچات چۋدچومچان رانگسيت ۋنيۆەرسيتەتىنە تۇسكەن ستۋدەنتتەردىڭ كەلەسى سەمەستردەن باستاپ، وقۋ اقىسىن كۇرىشپەن تولەي الاتىنىن جەتكىزدى. سونىمەن قاتار، كۇرىش نارىقتاعى باعادان قىمباتىراق قابىلدانادى. فەرمەرلەردەن الىنعان كۇرىشتى ۋنيۆەرسيتەت ەرەكشە جاڭاجىلدىق سىي رەتىندە ساتىلىمعا شىعارادى.
